സൗമ്യ കേസ് : അമ്മ സുമതി കോടതിയില് കുഴഞ്ഞുവീണു
തൃശൂര്: അതിവേഗ കോടതിയിലെ വിസ്താരത്തിനിടെ തീവണ്ടിയാത്രക്കിടെ മാനഭംഗത്തിനിരയായി മരണത്തിന് കീഴടങ്ങിയ സൗമ്യയുടെ അമ്മ സുമതി രണ്ടുവട്ടം മോഹാലസ്യപ്പെട്ടു വീണു. ഇത് കോടതിയില് അത്യന്തം വികാരതീവ്രമായ രംഗങ്ങള്ക്ക് കാരണമായി.
ചൊവ്വാഴ്ച രാവിലെയാണ് വിസ്താരം നടന്നത്. അവസാന യാത്രയില് സൗമ്യ ധരിച്ച വസ്ത്രങ്ങളിലെ രക്തക്കറ കണ്ടപ്പോഴാണ് സുമതി മോഹാലസ്യപ്പെട്ടത്.
തുടര്ന്ന് ജഡ്ജി രവീന്ദ്രബാബു കേസ് വിസ്താരം അല്പസമയം നിര്ത്തിവെച്ചു. പുറത്തെ വരാന്തയില് സുമതിക്കു വിശ്രമമൊരുക്കി. സൗമ്യയുടെ വസ്ത്രങ്ങള് കണ്ട് മോഹാലസ്യപ്പെട്ട അമ്മ ഉച്ചക്കുശേഷം പ്രതിഭാഗത്തിന്റെ വിസ്താരത്തിനിടെയാണു വീണ്ടും കുഴഞ്ഞുവീഴുകയായിരുന്നു.
ഇതേ തുടര്ന്നുള്ള ഇടവേളയില് റെയില്വേ ഗാംങ്മാന് കൃഷ്ണനെ കോടതി വിസ്തരിച്ചു. പ്രോസിക്യൂഷനുവേണ്ടി അഡ്വക്കേറ്റ് എ. സുരേന്ദ്രന്, പ്രതിഭാഗത്തിനുവേണ്ടി അഡ്വ. ബി.എ. ആളൂര്, അഡ്വ. ശിവരാജന് തുടങ്ങിയവര് ഹാജരായി.