ആശുപത്രിയിലെ എക്സറേ മുറിയില് ഒളിക്യാമറ
കൊച്ചി: എറണാകുളം മെഡിക്കല് സെന്റര് ആശുപത്രിയിലെ എക്സറേ റൂമില് ഒളിക്യാമറ. ഐടി കമ്പനി ജീവനക്കാരിയുടെ പരാതിയെത്തുടര്ന്നാണ് സംഭവം പുറത്തറിഞ്ഞത്.
സംഭവത്തില് പ്രതിഷേധിച്ച് തൃക്കാക്കര ബ്ലോക്ക് യൂത്ത് കോണ്ഗ്രസ് കമ്മിറ്റിയുടെ നേതൃത്വത്തില് മെഡിക്കല് സെന്റര് ആശുപത്രി ഉപരോധിച്ചു.
രോഗികളുടെ സ്വകാര്യതയിലേക്കുള്ള കടന്നുകയറ്റമാണെന്നും എന്തിന്റെ പേരിലാണെങ്കിലും ഇത്തരം നടപടികള് അനുവദിക്കില്ലെന്നും രോഗികളുടെ ശരീരഭാഗങ്ങള് അടക്കം പരിശോധിക്കുന്ന മുറിയില് ഇത്തരം കാമറകള് സ്ഥാപിച്ചത് എന്തിനുവേണ്ടിയാണെന്ന് അധികാരികള് വ്യക്തമാക്കണമെന്നും പ്രവര്ത്തകര് ആവശ്യപ്പെട്ടു.
നിലവില് കാമറയില് പതിഞ്ഞിട്ടുള്ള ദൃശ്യങ്ങളില് ആശങ്കയുണ്ടെന്നും ഈ ദൃശ്യങ്ങളുടെ സുരക്ഷിതത്വത്തെക്കുറിച്ച് അധികാരികള് ഉറപ്പുനല്കണമെന്നും ആവശ്യമുയര്ന്നിട്ടുണ്ട്.
ആശുപത്രി അധികാരികള്ക്കെതിരേ നിയമനടപടികള് സ്വീകരിച്ചില്ലെങ്കില് വരുംദിവസങ്ങളില് ശക്തമായ സമരവുമായി മുന്നോട്ടുപോകുമെന്നും യൂത്ത് കോണ്ഗ്രസ് മുന്നറിയിപ്പ് നല്കി.