ചിലി മരുഭൂമി മഞ്ഞില്‍ മൂടി

സാന്റിയാഗോ: ലോകത്ത് ഏറ്റവുമധികം വരള്‍ച്ച അനുഭവപ്പെടുന്ന പ്രദേശങ്ങളിലൊന്നായ അറ്റാക്കാമ മരുഭൂമിയില്‍ കനത്ത മഞ്ഞുവീഴ്ച. ഇരുപതു വര്‍ഷത്തിനുള്ളിലെ ഏറ്റവും ശക്തമായ മഞ്ഞുവീഴ്ചയാണു ചിലിയില്‍ അനുഭവപ്പെടുന്നതെന്നു ദേശീയ എമര്‍ജന്‍സി സെന്റര്‍ അധികൃതര്‍ അറിയിച്ചു.

ചില സ്ഥലങ്ങളില്‍ 80 സെന്റിമീറ്റര്‍ (32 ഇഞ്ച്) ഉയരത്തില്‍ വരെ മഞ്ഞു വീണു. റോഡ്, റെയില്‍ല്‍ ഗതാഗതം താറുമാറായി. മഞ്ഞുവീഴ്ചയില്‍ കുടുങ്ങിയ 36 പേരെ രക്ഷപെടുത്തി.

സാന്റിയാഗോയില്‍ താപനില മൈനസ് 8.5 ഡിഗ്രിയായി. ലാറ്റിന്‍ അമേരിക്കന്‍ രാജ്യങ്ങളായ ഉറുഗ്വെ, അര്‍ജന്റീന എന്നിവിടങ്ങളിലും കനത്ത മഞ്ഞുവീഴ്ചയാണ് അനുഭവിക്കുന്നത്.

English summary

A cold wave in Chile has brought snow to the Atacama desert, a region known for being the driest place in the world. According to the national emergency centre in Chile, the area had not seen this amount of snow in close to 20 years.