Click it and Unblock the Notifications
Just In
Don't Miss
-
T20 World Cup: ലോകകപ്പില് രോഹിത്തും കോലിയും ഓപ്പണ് ചെയ്യണം; ഇന്ത്യയ്ക്ക് തന്ത്രമോതി ഇതിഹാസ താരം -
അതെന്റെ ഭാവിയെ ഭയപ്പെടുത്തുന്നു എന്നത് സത്യാവസ്ഥയാണ്; റിയാസ് പറഞ്ഞത് തന്റെ വ്യക്തിപരമായ അനുഭവമെന്ന് നാദിറ -
17 കി.മീ മൈലേജുള്ള ഫാമിലി എസ്യുവി വാങ്ങുന്നവര്ക്ക് സന്തോഷ വാര്ത്ത! 1 മാസം കൊണ്ട് വണ്ടി കൈയ്യില് കിട്ടും -
വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും -
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
പി ശശി മോഡല്‍ വീണ്ടും; സിപിഎം വിയര്‍ക്കുന്നു
കാസര്‍ക്കോട്: സിപിഎം കണ്ണൂര്‍ ജില്ലാ മുന്‍ സെക്രട്ടറിയായിരുന്ന പി ശശിയ്‌ക്കെതിരെയുണ്ടായതിന് സമാനമായ പരാതി കാസര്‍ക്കോട്ടും പാര്‍ട്ടിയ്ക്ക് തലവേദനയാകുന്നു. കാസര്‍ക്കോട്ടെ മുതിര്‍ന്ന നേതാവിനെതിരെയാണ് പരാതി ഉയര്‍ന്നിരിക്കുന്നത്.
കാസര്‍കോടിനു സമീപം സിപിഎം ഭരണസമിതിയുടെ നിയന്ത്രണത്തിലുള്ള വിദ്യാഭ്യാസ സ്ഥാപനത്തിലെ വനിതാ ജീവനക്കാരിയാണു ജില്ലയിലെ മുതിര്‍ന്ന നേതാവിനെതിരെ ജില്ലാ സെക്രട്ടറിക്കു പരാതി നല്‍കിയിട്ടുള്ളത്. വെള്ളിയാഴ്ച വൈകിട്ടു ചേര്‍ന്ന അടിയന്തര ജില്ലാ സെക്രട്ടേറിയറ്റില്‍ വിഷയം ചര്‍ച്ചയായിട്ടുണ്ട്.
ജനാധിപത്യ മഹിളാ അസോസിയേഷന്‍ നേതാവിന്റെ മകളായ പാര്‍ട്ടി അംഗമാണ് പരാതിക്കാരി. ഇവര്‍ വിവാഹിതയാണ്. ജോലി സംബന്ധമായ വാഗ്ദാനങ്ങള്‍ നല്‍കിയശേഷം പീഡനത്തിനിരയാക്കി യെന്നാണു പരാതി.
പി.ശശിക്കെതിരെ നടപടി വന്നതിന്റെ അടുത്ത ദിവസമാണു യുവതി ജില്ലാ സെക്രട്ടറിക്കു പരാതി നല്‍കിയത്. പാര്‍ട്ടി സമ്മേളനങ്ങളും തിരഞ്ഞെടുപ്പും വരാനിരിക്കെ ഈ വിഷയം യോഗങ്ങളില്‍ സജീവ ചര്‍ച്ചയാകാനിടയുണ്ട്.
അതേസമയം ഇത്തരമൊരു പരാതി ലഭിച്ചിട്ടില്ലെന്നും വാര്‍ത്തകള്‍ അടിസ്ഥാനരഹിതമാണെന്നും സിപിഎം കാസര്‍കോട് ജില്ലാ സെക്രട്ടറി കെ.പി.സതീഷ് ചന്ദ്രന്‍ അറിയിച്ചു.
പി.ശശിക്കെതിരെ ഉയര്‍ന്ന ആരോപണം പാര്‍ട്ടിയെ അക്ഷരാര്‍ത്ഥത്തില്‍ വെള്ളം കുടിപ്പിച്ചിരുന്നു. ഇതിന് പിന്നാലെ ഉയര്‍ന്നിരിക്കുന്ന ഈ പരാതി ഏതുവിധേനയും ഒതുക്കിത്തീര്‍ക്കാന്‍ ചില നേതാക്കള്‍ ശ്രമമാരംഭിച്ചുവെന്ന് റിപ്പോര്‍ട്ടുകളുണ്ട്.
