കുളി പരസ്യമാക്കിയ ഭര്ത്താവിനെതിരെ ഭാര്യയുടെ പരാതി
കോട്ടയം: ഭാര്യമാര്ക്കൊപ്പമുള്ള ചില നിമിഷങ്ങള് മൊബൈല് ക്യാമറയില് പകര്ത്തി സൂക്ഷിക്കുന്ന ഭര്ത്താക്കന്മാരുണ്ടാവും. ചിലര് ഇത്തരത്തില് കിടപ്പറ രംഗങ്ങളും ഭാര്യയുടെ കുളിസീനും വരെ പകര്ത്തിവെയ്ക്കാറുമുണ്ട്.
പക്ഷേ ഓര്ക്കുക ഒരു ചെറിയ അശ്രദ്ധമതി ഭര്ത്താവിന്റെയും ഭാര്യയുടെയും മാനംപോകാന്. ഈ ചിത്രങ്ങളും വീഡിയോകളും പുറത്തായാല് അത് നാടുമുഴുവന് പരക്കാന് അധികം സമയമെടുക്കില്ല.
ഇത്തരത്തില് ഒരു അശ്രദ്ധപറ്റിയ ഭര്ത്താവിനെതിരെ ഭാര്യ പാരാതിയുമായി രംഗത്തെത്തിയിരിക്കുകയാണ്. കോട്ടയം ജില്ലയിലാണ് സംഭവം നടന്നത്. ഭര്ത്താവ് മൊബൈലില് സൂക്ഷിച്ചിരുന്ന ഭാര്യയുടെ കുളി സീന് അബദ്ധത്തില് പുറത്താവുകയായിരുന്നു.
ഏതാനും നാള് മുമ്പാണത്രേ ഭാര്യയുടെ കുളി ഒരു കൗതുകത്തിന്റെ പേരില് ഭര്ത്താവ് മൊബൈല് ക്യാമറയില് പകര്ത്തിയത്. ഇത് ഡിലീറ്റ് ചെയ്ക് കളയാതെ ആര്ക്കൈവില്ത്തന്നെ സൂക്ഷിക്കുകയും ചെയ്തു.
കഴിഞ്ഞ ദിവസം മൊബൈല് കേടായി. അത് നന്നാക്കാനായി ഒരു കടയില് ഏല്പ്പിക്കുകയും ചെയ്തു. കടയിലുണ്ടായിരുന്നയാള് മൊബൈലിലെ ഫോള്ഡറില് കണ്ട കുളിസീന് തന്റെ സുഹൃത്തുക്കള്ക്കും പരിചയക്കാര്ക്കുമൊക്കെ അയച്ചുകൊടുത്തതോടെ സംഗതി പ്രശ്നമായി.
തന്റെ കുളിസീന് നാട്ടുകാരുടെ മൊബൈലുകളിലൂടെ പരക്കുന്ന വിവരം അറിഞ്ഞ ഭാര്യ പിന്നെ ഒന്നും നോക്കിയില്ല മാനക്കേടിന് കാരണക്കാരനായ ഭര്ത്താവിനെതിരെ പൊലീസില് പരാതി നല്കി.
കോട്ടയം ഡിവൈഎസ്പിയ്ക്കാണ് യുവതി പരാതി നല്കിയത്. പരാതിയുടെ അടിസ്ഥാനത്തില് തൃക്കൊടിത്താനം പോലീസ് കേസെടുത്തു.സംഭവത്തില് അടുത്ത ദിവസം തന്നെ യുവതിയുടെ മൊഴിയെടുക്കുമെന്നാണ് സൂചന.