പറവൂര്: നവാസിനെ ക്രൈംബ്രാഞ്ച് രക്ഷപ്പെടുത്തി?
കൊച്ചി: പറവൂര് പെണ്വാണിഭക്കേസിലെ പ്രതിയായ പാലക്കാട് സ്വദേശി നവാസ് പൊലീസ് ഉദ്യോഗസ്ഥനൊപ്പമാണ് പെണ്കുട്ടിയെ പീഡിപ്പിച്ചതെന്ന് റിപ്പോര്ട്ട്.
നവാസിനെ ക്രൈംബ്രാഞ്ച് പിടികൂടിയിരുന്നെങ്കിലും ഇയാള് ചാടിപ്പോവുകയായിരുന്നു. എറണാകുളം ജനറല് ആശുപത്രിയില് വൈദ്യപരിശോധനയ്ക്കു കൊണ്ടുവന്നപ്പോള് നവാസ് ചാടിപ്പോവുകയായിരുന്നു.
എറണാകുളത്ത് പച്ചാളത്തുള്ള ഫഌറ്റിലാണ് പൊലീസ് ഉദ്യോഗസ്ഥനും നവാസും ചേര്ന്ന് കുട്ടിയെ പീഡിപ്പിച്ചതെന്നാണ് സൂചന. പൊലീസ് ഉദ്യോഗസ്ഥന് കേസിലുള്പ്പെട്ടിട്ടുണ്ടെന്നും ഇയാളും നവാസും ചേര്ന്നാണ് കുട്ടിയെ പീഡിപ്പിച്ചതെന്നും വ്യക്തമായതോടെ നവാസ് ചാടിപ്പോയ സംഭവത്തില് ക്രൈംബ്രാഞ്ചിനെതിരെ സംശയം ഉയരുകയാണ്.
അറസ്റ്റിലായ ഇടനിലക്കാരിയുടെ മൊഴിയനുസരിച്ച് ഡോക്ടര് ഹാരിസിനൊപ്പമാണ് നവാസും പൊലീസ് ഓഫിസറും പെണ്കുട്ടിയെ പീഡിപ്പിച്ചത്. ഇതില് ഡോക്ടര് ഇടനിലക്കാരിയെയും പച്ചാളത്തെ ഫ്ലാറ്റില് പീഡിപ്പിച്ചതായി മൊഴി നല്കിയിട്ടുണ്ട്.
നവാസിനെ കസ്റ്റഡിയില് ചോദ്യം ചെയ്താല് പൊലീസ് ഉദ്യോഗസ്ഥന്റെ പേരു വെളിപ്പെടുമായിരുന്നു. അതിനാല് ചോദ്യം ചെയ്യലിന് മുമ്പേ നവാസിനെ പൊലീസ് രക്ഷപ്പെടാന് അനുവദിക്കുകയായിരുന്നുവെന്ന് ആരോപണം ഉയര്ന്നുകഴിഞ്ഞു.
ഇപ്പോഴത്തെ സാഹചര്യത്തില് ഡോ. ഹാരിസ് മൊഴി നല്കിയാല് മാത്രമേ പൊലീസ് ഉദ്യോഗസ്ഥനു കേസിലുള്ള പങ്ക് െ്രെകംബ്രാഞ്ചിനു കണ്ടെത്താന് കഴിയൂ.
ഇതിനിടെ മറ്റൊരു പ്രതിയായ പരസ്യ ഏജന്റ് തൃക്കാക്കര നോര്ത്ത് വലിയവീട്ടില് ബിജോയ് (38) ബുധനാഴ്ച അറസ്റ്റിലായി. ഇടനിലക്കാരി ജൂലി നല്കിയ മൊഴിയെത്തുടര്ന്നാണ് ബിജോയിയെ അന്വേഷണ സംഘം പിടികൂടിയത്. ബിജോയ്ക്കൊപ്പം പെണ്കുട്ടിയെ പീഡിപ്പിച്ചവരെക്കുറിച്ചുള്ള വിവരങ്ങള് അന്വേഷണ സംഘത്തിനു ലഭിച്ചിട്ടുണ്ട്.