കോണ്‍ഗ്രസില്‍ ഇപ്പോഴും ഗ്രൂപ്പുകളിയുണ്ട്: മുരളി

കോഴിക്കോട്: കോണ്‍ഗ്രസില്‍ ഇപ്പോഴും ഗ്രൂപ്പുകളിയും ചേരിപ്പോരും നടക്കുന്നുണ്ടെന്ന് കെ.മുരളീധരന്‍ എംഎല്‍എ.

കോണ്‍ഗ്രസില്‍ താനും വി.എം സുധീരനും മുല്ലപ്പള്ളി രാമചന്ദ്രനും ചേരിചേരാ പ്രസ്ഥാനത്തിന്റെ വക്താക്കളാണെന്നും മുരളി പറഞ്ഞു.

മുല്ലപ്പള്ളി കേന്ദ്രത്തിലാണ്. സുധീരന്‍ നിയമസഭയ്ക്ക് പുറത്തുനില്‍ക്കുന്നു. താന്‍ നിയമസഭയില്‍ ഏറ്റവും പുറകില്‍ ഇരിക്കുന്നു എന്നു മാത്രമേയുള്ളൂ. സഭയില്‍ തനിക്ക് പുറകില്‍ സീറ്റില്ലാത്തതിനാലാണ് ആ സീറ്റ് കിട്ടിയത്- മുരളീധരന്‍ പറഞ്ഞു.

മന്ത്രി കെ.എം മാണി അവതരിപ്പിച്ച ബജറ്റ് പാഴാണെന്നും അതിന് അടിത്തറയില്ലെന്നും അദ്ദേഹം കുറ്റപ്പെടുത്തി. അതേസമയം യുഡിഎഫ് സര്‍ക്കാറിന്റെ പ്രവര്‍ത്തനങ്ങള്‍ക്ക് എ പ്ലസ് തന്നെ നല്‍കാമെന്നും അദ്ദേഹം പറഞ്ഞു.

English summary

K Muraleedharan MLA said that groupism is still going on in Congress, but he, VM Sudheeran and Mullappally Ramachandran are not involving in that.