പറവൂര്‍ പെണ്‍വാണിഭം: 5പേരെ കുട്ടി തിരിച്ചറിഞ്ഞു

ആലുവ: പറവൂര്‍ പെണ്‍വാണിഭക്കേസില്‍ രണ്ടു പ്രമുഖര്‍ അടക്കം അഞ്ചു പ്രതികളെ പീഡനത്തിനിരയായ പെണ്‍കുട്ടി തിരിച്ചറിഞ്ഞു.

ജൂലൈ 16ന് ശനിയാഴ്ച സബ് ജയിലില്‍ പെരുമ്പാവൂര്‍ ഒന്നാം ക്‌ളാസ് മജിസ്‌ട്രേട്ട് ജി. രാജേഷിന്റെ സാന്നിധ്യത്തിലായിരുന്നു മൂന്നു മണിക്കൂര്‍ നീണ്ട തിരിച്ചറിയല്‍ പരേഡ്.

പ്രതികള്‍ അഞ്ചുപേരും സബ് ജയിലില്‍തന്നെ ഉണ്ടായിരുന്നു. ഇവരെ രൂപസാദൃശ്യമുള്ള മറ്റ് വിചാരണത്തടവുകാര്‍ക്കിടയില്‍ നിര്‍ത്തിയാണു പരേഡ് നടത്തിയത്. വ്യത്യസ്ത വേഷങ്ങള്‍ ധരിപ്പിച്ചും ഹാജരാക്കി.

ഈ കേസില്‍ രണ്ടാമത്തെ തിരിച്ചറിയല്‍ പരേഡായിരുന്നു ഇത്. തിരിച്ചറിഞ്ഞ പ്രതികളുടെ എണ്ണം ഇതോടെ പതിമൂന്നായി. ഇതേ മജിസ്‌ട്രേട്ടിന്റെ സാന്നിധ്യത്തില്‍ ജൂലൈ 8നായിരുന്നു ആദ്യ പരേഡ്. അന്ന് എട്ടുപേരെ പെണ്‍കുട്ടി തിരിച്ചറിഞ്ഞിരുന്നു.

വനിതാ പൊലീസാണ് ശനിയാഴ്ച പെണ്‍കുട്ടിയെ സബ് ജയിലില്‍ എത്തിച്ചത്. കേസ ന്വേഷിക്കുന്ന ക്രൈംബ്രാഞ്ച് ഉദ്യോഗസ്ഥരെ പോലും അകത്തു കയറ്റിയിരുന്നില്ല.

English summary

In a major development in the Paravur sex case, the 14-year-old girl on Saturday identified the five accused who were arrested by the Crime Branch probe team.