സ്വര്‍ണത്തിന് വിലകുറയാന്‍ സാധ്യത

റെക്കോഡ് വിലകള്‍ തകര്‍ന്നു വീഴുന്നതുകണ്ട്് നിക്ഷേപമെല്ലാം സ്വര്‍ണ്ണത്തിലേക്കു മാറ്റുന്നവരുടെ ശ്രദ്ധയ്ക്ക്, സ്വര്‍ണത്തിനു വിലകുറയാന്‍ സാധ്യതയുണ്ടെന്ന റിപ്പോര്‍ട്ടുകള്‍ പുറത്തുവരുന്നു.

രൂക്ഷമായ സാമ്പത്തികപ്രതിസന്ധി അഭിമുഖീകരിക്കുന്ന ഗ്രീസിനു കൂടുതല്‍ സഹായം നല്‍കാന്‍ യൂറോപ്യന്‍ യൂനിയന്‍ തീരുമാനിച്ചാല്‍ അത് സ്വര്‍ണവില കുറയ്ക്കുമെന്നാണ് വിലയിരുത്തുന്നത്. ഇത്തരം ഒരു തീരുമാനം യൂറോപ്യന്‍ മേഖലയുടെ സാമ്പത്തിക മേഖലയ്ക്ക് മൊത്തത്തില്‍ ഉത്തേജനം നല്‍കുകയും ഇറ്റലി, സ്‌പെയിന്‍ തുടങ്ങിയ രാജ്യങ്ങളിലേക്ക് പ്രതിസന്ധി വ്യാപിക്കാതിരിക്കാന്‍ സഹായിക്കുകയും ചെയ്യും.

ഈ അനുകൂല സാമ്പത്തിക അവസ്ഥയില്‍ യൂറോയ്ക്കു മൂല്യം വര്‍ധിക്കുന്നതും ഓഹരിയടക്കമുള്ള മറ്റു നിക്ഷേപമാര്‍ഗ്ഗങ്ങള്‍ കൂടുതല്‍ സജീവമാകുന്നതും സ്വര്‍ണത്തില്‍ നിന്നു ലാഭമെടുപ്പ് നടത്താന്‍ നിക്ഷേപകരെ പ്രേരിപ്പിക്കുമെന്നാണ് വിദഗ്ധര്‍ വിലയിരുത്തുന്നത്.

English summary

Gold is trading at all-time high these days, but it could fall if policy-makers in Europe come to an agreement to provide assistance to Greece.