• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ലാലിന്റെ ചിത്രത്തില്‍ പാലഭിഷേകവും പുഷ്പാര്‍ച്ചനയും

  • By Lakshmi

കൊച്ചി: ചൊവ്വാഴ്ച ആദായനികുതി വകുപ്പ് ഉദ്യോഗസ്ഥര്‍ മോഹന്‍ലാലിന്റെ വീട്ടില്‍ പരിശോധനയ്‌ക്കെത്തിയപ്പോള്‍ എല്ലാവരും ആകാംഷയോടെ ചോദിച്ച ചോദ്യം ലാല്‍ സ്ഥലത്തുണ്ടോയെന്നതായിരുന്നു.

പരിശോധന നടക്കുമ്പോള്‍ വീടിന് പുറത്ത് വന്‍ മാധ്യമപ്പടയാണ് ഉണ്ടായിരുന്നത്. ആദ്യം വീട്ടുജോലിക്കാര്‍ പറഞ്ഞത് ലാല്‍ വീ്ട്ടിലില്ലെന്നായിരുന്നു.

രാമേശ്വരത്ത് ഷൂട്ടിംഗ് അവസാനിക്കുകയും വീട്ടില്‍ വീണ്ടും പരിശോധന നടക്കുകയും ചെയ്ത സാഹചര്യത്തില്‍ മോഹന്‍ലാല്‍ എവിടെയെന്ന അന്വേഷണമായിരുന്നു ചൊവ്വാഴ്ച പകല്‍മുഴുവന്‍ മാധ്യമപ്രവര്‍ത്തകരുടെ ഭാഗത്തുനിന്നുണ്ടായത്.

വൈകീട്ട് ആറുമണിയോടെ പരിശോധന പൂര്‍ത്തിയാക്കി ഉദ്യോഗസ്ഥസംഘം പുറത്തേക്കു പോകുന്നതിനുമുമ്പായി ഒരു കാര്‍ ലാലിന്റെ വീട്ടില്‍നിന്നു പുറത്തു കടന്നിരുന്നു. ഇതില്‍ ലാലുണ്ടെന്ന് ആദ്യം അഭ്യൂഹം പരന്നു. എന്നാല്‍ സ്ഥിരീകരണമുണ്ടായില്ല.

ഉദ്യോഗസ്ഥ സംഘം പോയി അരമണിക്കൂറിനുശേഷം മോഹന്‍ലാലിന്റെ പജേറോ ഗേറ്റിന് മുന്നിലെത്തി. അപ്പോഴേക്കും കാത്തുനിന്ന ഫാന്‍സ് അസോസിയേഷന്‍ പ്രവര്‍ത്തകര്‍ ഓടിയെത്തി കാറില്‍ പൂ വിതറി താരത്തിന് ജയ് വിളിച്ചു.

ഗേറ്റ് കടന്ന് മുറ്റത്തെത്തിയ കാറില്‍നിന്ന് പുറത്തിറങ്ങിയത് ആരാണെന്നതും വ്യക്തമായില്ല. എങ്കിലും മോഹന്‍ലാലിന്റെ ചിത്രം റോഡരികില്‍ സ്ഥാപിച്ച് ആരാധകര്‍ പാലഭിഷേകവും പുഷ്പാര്‍ച്ചനയും നടത്തി.

റെയ്ഡ് സമയത്ത് മാധ്യമപ്രവര്‍ത്തകരെ അകത്തുകടക്കാന്‍ അനുവദിച്ചില്ല. വൈകീട്ട് മൂന്നുമണിയോടെയാണ് കൂട്ടമായെത്തിയ ഫാന്‍സ് അസോസിയേഷന്‍ പ്രവര്‍ത്തകര്‍ വീടിനു സമീപത്തെ റോഡരികിലായി മോഹന്‍ലാലിന്റെ ഫോട്ടോയും ഡയലോഗും പതിച്ച ഫ്ലക്സുകള്‍ കെട്ടിയത്.

English summary
Fans association expressed thier support to Mohanlal during the IT raid on Tuesday,
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X