ഹസാരെയുടെ സമരത്തിന് അനുമതിയില്ല

ദില്ലി: ജനലോക്പാല്‍ ബില്ല് നടപ്പാക്കാത്തതില്‍ പ്രതിഷേധിച്ച് അന്നാ ഹസാരെ അടുത്തമാസം 16 മുതല്‍ നടത്താനിരുന്ന അനിശ്ചിതകാല നിരാഹാര സമരത്തിന് ദില്ലി പൊലീസ് അനുമതി നിഷേധിച്ചു.

ഏകപക്ഷീയമായ ലോക്പാല്‍ കരടുബില്‍ അംഗീകരിച്ചതിലൂടെ തന്നെയും രാജ്യത്തെയും വഞ്ചിച്ച യുപിഎ സര്‍ക്കാരിന്റെ നടപടിക്കെതിരേ 16മുതല്‍ മരണംവരെ നിരാഹാരസമരം ആരംഭിക്കുമെന്ന് ഹസാരെ വ്യാഴാഴ്ച പ്രഖ്യാപിച്ചിരുന്നു.

ദില്ലിയിലെ ജന്തര്‍ മന്തറില്‍ ആഗസ്റ്റ് 16 മുതല്‍ അനിശ്ചിതകാലനിരാഹാര സമരം നടത്തുമെന്നാണു ഹസാരെ പ്രഖ്യാപിച്ചിരുന്നത്. എന്നാല്‍ ഈ മേഖലയില്‍ സത്യാഗ്രഹം നടത്തുന്നതിന് അനുമതി നല്‍കാന്‍ കഴിയില്ലെന്നാണു പൊലീസ് അറിയിച്ചിരിക്കുന്നത്.

വ്യാഴാഴ്ച കേന്ദ്ര മന്ത്രിസഭ അംഗീകരിച്ച കരടുബില്ലില്‍ പ്രധാനമന്ത്രിയെ ലോക്പാല്‍ പരിധിയില്‍നിന്ന് ഒഴിവാക്കിയതില്‍ അന്നാ ഹസാരെ പ്രതിഷേധം അറിയിച്ചിരുന്നു.

English summary

Delhi Police denied permission to Team Anna to hild an indefinite fast in Delhi on August 16. The Delhi police withheld permission following the Supreme Court's 2009 order.