മാനഭംഗശ്രമം ചെറുത്ത കുട്ടിയെ തീകൊളുത്തി

By Lakshmi

Published: Wednesday, August 3, 2011, 9:35 [IST]

ലഖ്‌നൊ: മാനഭംഗശ്രമം ചെറുത്ത ദളിത് പെണ്‍കുട്ടിയെ രണ്ട് യുവാക്കള്‍ ചേര്‍ന്ന് തീകൊളുത്തി. ശരീരത്തില്‍ പകുതിഭാഗത്തിലേറെ പൊള്ളലേറ്റ പ്ലസ്ടു വിദ്യാര്‍ഥിനി ആശുപത്രിയിലാണ്. രാംകോപ്ട് പൊലീസ് സ്റ്റേഷന്‍ പരിധിയില്‍ വരുന്ന ജോഹ്‌രി ഗ്രാമത്തിലാണ് സംഭവം നടന്നത്.

ഗ്രാമത്തിലെ അഞ്ച് യുവാക്കള്‍ കൂട്ടം ചേര്‍ന്നുനിന്ന് കുറച്ചുനാളായി പെണ്‍കുട്ടിയെ അസഭ്യം പറയുകയും പിന്നാലെ വന്ന് ശല്യം ചെയ്യുകയും ചെയ്തിരുന്നുവെന്ന് കുട്ടിയുടെ പിതാവ് പറയുന്നു. എന്നാല്‍ പെണ്‍കുട്ടി ഇത് കാര്യമായി എടുത്തിരുന്നില്ല.

എന്നാല്‍ ഓഗസ്റ്റ് 2ന് ചൊവ്വാഴ്ച കുട്ടിയുടെ വീട്ടിലെത്തിയ യുവാക്കള്‍ കുട്ടിയെ പുറത്തേയ്ക്ക് വലിച്ചിഴയ്ക്കുകയും അപമാനിക്കാന്‍ ശ്രിമിക്കുകയുമായിരുന്നു. കുട്ടി എതിര്‍ക്കാന്‍ ശ്രമിച്ചപ്പോള്‍ ഇവര്‍ മണ്ണെണ്ണയൊഴിച്ച് തീകൊളുത്തുകയായിരുന്നുവത്രേ.

സംഭവം നടക്കുമ്പോള്‍ പിതാവ് വീട്ടിലില്ലായിരുന്നു. സംഭവത്തിന് പിന്നാലെ കുട്ടിയെ ആശുപത്രിയിലെത്തിച്ചപ്പോഴാണ് തങ്ങള്‍ക്ക് വിവരം ലഭിച്ചതെന്ന് പൊലീസ് പറയുന്നു. സംഭവത്തില്‍ പൊലീസ് കേസ് രജിസ്റ്റര്‍ ചെയ്തിട്ടുണ്ട്.

Published On August 3, 2011