രണ്ടാംവര്‍ഷ വിദ്യാര്‍ഥിയെ ക്രൂരമായി റാഗ് ചെയ്തു

ദില്ലി: രണ്ടാം വര്‍ഷ ബിഎസ്‌സി വിദ്യാര്‍ഥിയെ ഒരു സംഘം സീനിയര്‍ വിദ്യാര്‍ഥികള്‍ ക്രൂര റാഗിങ്ങിനു വിധേയമാക്കിയെന്ന് പരാതി. ഹിന്ദു കോളേജിലെ വിദ്യാര്‍ഥിയായ അനുരാഗ് ആണ് ക്രൂരമായ റാഗിങ്ങിന് ഇരയായത്.

കോളേജിലെ 60 സീനിയര്‍ വിദ്യാര്‍ഥികള്‍ ഇരിക്കുന്ന ഒരു ഹാളില്‍ വച്ചാണ് അനുരാഗിനെ റാഗ് ചെയ്തത്. ഇവരുടെ മുന്നില്‍ വച്ച് അസഭ്യ വാക്കുകള്‍ പുലമ്പാനായിരുന്നു അനുരാഗിനു കിട്ടിയ നിര്‍ദേശം. എന്നാല്‍ ഇതിന് ആദ്യം അനുരാഗ് വഴങ്ങിയില്ല.

അപ്പോള്‍ സീനിയര്‍ വിദ്യാര്‍ഥികള്‍ ഭീഷണിപ്പെടുത്തി. അതിനു ശേഷം അവര്‍ പറയുന്നത് അനുസരിക്കാന്‍ താന്‍ നിര്‍ബന്ധിതനായെന്നും അനുരാഗ് പറയുന്നു. പിന്നീട് കോളേജ് അധികൃതര്‍ക്ക് അനുരാഗ് പരാതി എഴുതി നല്‍കി.

English summary

Even as college authorities are claiming that strict measures are in place to check ragging, an incident of ragging of a second year student of Hindu College on North Campus by his seniors has come to light. According to the complainant, the second-year student was insulted inside the college auditorium in the presence of other students.