രാജിയാവശ്യം ചെകുത്താന്‍ വേദമോതുന്നതു പോലെ:ഹസന്‍

തിരുവനന്തപുരം: മുഖ്യമന്ത്രി ഉമ്മന്‍ ചാണ്ടിയുടെ രാജി ആവശ്യപ്പെടുന്ന പ്രതിപക്ഷത്തിന്റേയും സിപിഎം സംസ്ഥാന സെക്രട്ടറി പിണറായിവിജയന്റേയും നിലപാട് ചെകുത്താന്‍ വേദമോതുന്നതു പോലെയാണെന്ന് കെപിസിസി വക്താവ് എംഎം ഹസന്‍ പറഞ്ഞു.

മുഖ്യമന്ത്രിയുടെ രാജി ആവശ്യപ്പെടുന്ന പിണറായിയുടെ നിലപാട് വിചിത്രമാണ്. ലാവ്‌ലിന്‍ കേസില്‍ പ്രതിസ്ഥാനത്തു നില്‍ക്കുന്ന പിണറായി ഉമ്മന്‍ ചാണ്ടിയോട് രാജി ആവശ്യപ്പെടുന്നത് എന്തടിസ്ഥാനത്തിലാണെന്നും ഹസന്‍ ചോദിച്ചു.

പാമോലിന്‍ കേസില്‍ ഉമ്മന്‍ചാണ്ടി പ്രതിയാണെന്ന് കോടതി ഒരിക്കലും പറഞ്ഞിട്ടില്ല. മാത്രമല്ല , ഒരു മന്ത്രിയ്ക്ക് ഒറ്റയ്ക്ക് പാമോലിന്‍ ഇറക്കുമതിയ്ക്ക് അനുമതി നല്‍കാനാവില്ല. ഇക്കാര്യമെല്ലാം മറച്ചുവച്ചാണ് പ്രതിപക്ഷം വിവാദമുണ്ടാക്കുന്നതെന്നും ഹസന്‍ പറഞ്ഞു.

English summary

KPCC Spokeperson MM Hassan said that there was no need for Chief Minister Oommen Chandy to resign in connection with a vigilance department inquiry into the pamolin case.