Click it and Unblock the Notifications
Just In
Don't Miss
-
കേട്ടതെല്ലാം സത്യമായിരുന്നു; അവർ ഒരുമിച്ചാണ്; ഈ സ്ഥാനത്ത് സമാന്ത ആയിരുന്നെങ്കിലോ; ചർച്ചയാക്കി ആരാധകർ -
കാപ്പി കുടിച്ചാല് മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ലാഭം നേടാൻ നല്ലത് ഈ റെയിൽവേ ഓഹരി, കുതിപ്പ് സർവ്വകാല റെക്കോർഡിലെത്തും, കൂടെക്കൂട്ടുന്നോ -
ട്രക്കിടിച്ചിട്ടും കുലുങ്ങിയില്ല, യാത്രക്കാർ സേഫ്; ക്രാഷ് ടെസ്റ്റിന് മുമ്പേ കരുത്ത് തെളിയിച്ച് എക്സ്റ്റർ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
16കാരിയെ മാനഭംഗപ്പെടുത്തിയ 3പേര്‍ പിടിയില്‍
കൊല്ലം: പതിനാറുകാരിയെ പീഡിപ്പിച്ച കേസില്‍ മൂന്നുപേരെ വെസ്റ്റ് പോലീസ് അറസ്റ്റ് ചെയ്തു. അങ്കമാലി സ്വദേശി സാജന്‍ ജോര്‍ജ് (46), ആലുവ സ്വദേശി ലൈജു ആന്റണി(34), നെടുവത്തൂര്‍ സ്വദേശി സൂരജ്(28) എന്നിവരാണു പിടിയിലായത്.
പിതാവിനൊപ്പം താമസിക്കുകയായിരുന്ന തെന്മല സ്വദേശിനിയാണ് പീഡനത്തിന് ഇരയായത്. വീട്ടുവഴക്കിനെത്തുടര്‍ന്ന് രണ്ടുമാസം മുമ്പ് കുട്ടി വീടുവിട്ടിറങ്ങിയിരുന്നു. സംശയകര സാഹചര്യത്തില്‍ ശക്തികുളങ്ങരയില്‍ കണ്ട പെണ്‍കുട്ടിയെ പോലീസ് കൊല്ലത്തെ മഹിളാ മന്ദിരത്തില്‍ താമസിപ്പിക്കുകയും ചെയ്തിരുന്നു.
തുടര്‍ന്ന് ചാത്തന്നൂര്‍, കണ്ണനല്ലൂര്‍, മലയാറ്റൂര്‍, കോട്ടയം, മൂന്നാര്‍ തുടങ്ങിയ സ്ഥലങ്ങളിലായി പീഡനങ്ങള്‍ക്കിരയായ പെണ്‍കുട്ടിയെ എറണാകുളം സൗത്ത് റെയില്‍വേ സ്‌റ്റേഷനില്‍ അവശനിലയില്‍ കണ്ടെത്തിയതിനേത്തുടര്‍ന്ന് റെയില്‍വേ പോലീസ് കൊല്ലം വെസ്റ്റ് പോലീസ് സ്‌റ്റേഷനില്‍ വിവരമറിയിക്കുകയായിരുന്നു.
കുട്ടിയെ ചോദ്യം ചെയ്തതില്‍നിന്നാണു മാനഭംഗത്തിനിരയായ വിവരമറിഞ്ഞത്. കുട്ടിയുടെ മാതാവ് വിദേശത്ത് ജോലിചെയ്യുകയാണ്. കുട്ടി പറഞ്ഞ വിവരമനുസരിച്ചാണ് പോലീസ് മൂന്ന് പ്രതികളെ പിടികൂടിയത്. സംഭവവുമായി ബന്ധപ്പെട്ടു രണ്ടു സ്ത്രീകള്‍ ഉള്‍പ്പടെ 11 പേര്‍ ഉടന്‍ കസ്റ്റഡിയിലാകുമെന്നു പോലീസ് അറിയിച്ചു. ജുഡിഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
