വിതുര പെണ്‍വാണിഭം: വിചാരണ നിര്‍ത്തണമെന്ന് യുവതി

കൊച്ചി: വിതുര പെണ്‍വാണിഭക്കേസിന്റെ വിചാരണ നടപടികള്‍ നിര്‍ത്തിവക്കണമെന്ന് ആവശ്യപ്പെട്ട് പീഡനത്തിനിരയായ യുവതി ഹൈക്കോടതിയില്‍ ഹര്‍ജി നല്‍കി.

ഇരയുടെ അവസ്ഥ കൂടി പരിഗണിക്കണമെന്നും 16 വര്‍ഷം മുന്‍പുള്ള കാര്യങ്ങള്‍ ഓര്‍ത്തെടുക്കാന്‍ ബുദ്ധിമുട്ടുണ്‌ടെന്നും ഹര്‍ജിയില്‍ ചൂണ്ടിക്കാട്ടുന്നു.

താനിപ്പോള്‍ കുടുംബ ജീവിതം നയിക്കുകയാണ്. വിചാരണ കടുത്ത മാനസിക പീഡനത്തിനു കാരണമാകും. 16 വര്‍ഷമായി താന്‍ കേസുമായി ബന്ധപ്പെട്ട ദുരിതങ്ങള്‍ അനുഭവിക്കുകയാണെന്നും യുവതി ഹര്‍ജിയില്‍ പറയുന്നു.

1996ല്‍ ആണ് വിതുര പെണ്‍വാണിഭ കേസില്‍ അന്വേഷണം ആരംഭിക്കുന്നത്. കോട്ടയത്തെ പ്രത്യേക കോടതിയില്‍ വിചാരണ ആരംഭിക്കാനിരിക്കെയാണ് പെണ്‍കുട്ടി ഹര്‍ജി നല്‍കിയത്.

English summary

The victim in the Vithura sex scandal case has moved the High Court stating that she is unwilling to go ahead with the case. She said in her petition that she does not expect justice in the case.