കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പറവൂര്‍ പീഡനം: തച്ചങ്കരിയ്‌ക്കെതിരെ പരാതി

  • By Lakshmi
Google Oneindia Malayalam News

കൊച്ചി: ഭൂമി കുറഞ്ഞവിലയ്ക്ക് തട്ടിയെടുക്കാനായിട്ടാണ് പറവൂര്‍ പെണ്‍വാണിഭക്കേസില്‍ കുടുക്കിയതെന്നാരോപിച്ച് ഐജി ടോമിന്‍ തച്ചങ്കരിയ്‌ക്കെതിരെ പരാതി. കേസിലെ പതിനേഴാം പ്രതിയായ കന്യാകുമാരി സ്വദേശി മണികണ്ഠന്റെ സഹോദരന്‍ ദേവരാജനാണ് പരാതി നല്‍കിയിരിക്കുന്നത്.

ടോമിന്‍ തച്ചങ്കരിയുടെ സ്വാധീനം മൂലമാണ് കേസില്‍ ഉള്‍പ്പെടുത്തിയിട്ടുള്ളതെന്നും, ജാമ്യം കിട്ടാതിരിക്കാന്‍ കള്ളക്കേസുകളില്‍ കുടുക്കുകയാണെന്നുമാണ് പരാതി. ഹര്‍ജി ജസ്റ്റിസ് പി.ആര്‍ രാമചന്ദ്രമേനോന്‍ സര്‍ക്കാരിന്റെ നിലപാടറിയാന്‍ മാറ്റി.

തൃശൂര്‍ ജയിലിലേയ്ക്ക് മാറ്റിയ മണികണ്ഠനെ ആലുപ ജയിലിലേയ്ക്ക് തിരികെ കൊണ്ടുവരാന്‍ നിര്‍ദ്ദേശിക്കണമെന്നും ജീവന് സുരക്ഷ ഉറപ്പാക്കണമെന്നും ഹര്‍ജിയില്‍ ആവശ്യപ്പെട്ടിട്ടുണ്ട്.

മണികണ്ഠനും ഭാര്യയും കന്യാകുമാരി വിളവന്‍കോട്ട് പത്തേക്കറോളം ഭൂമി വാങ്ങിയിട്ടുണ്ട്. ഇതില്‍ കെട്ടിടനിര്‍മാണത്തിന് എപിജെ ലിമിറ്റഡ് എന്ന സ്ഥാപനത്തിന് ഒരു കോടി രൂപ നല്‍കിയിരുന്നു.

തച്ചങ്കരിയുടെ ഭാര്യ അന്നാ മേരി തച്ചങ്കരിക്ക് ഈ സ്ഥാപനത്തില്‍ പങ്കാളിത്തമുണ്ട്. മണികണ്ഠന്റെ വസ്തു കുറഞ്ഞ വിലയ്ക്ക് സ്വന്തമാക്കാനാണ് ശ്രമമെന്നാണ് പരാതി.

English summary
A petition filed against IG Tomin Thachankary over Paravoor sex racket case. The petition alleged that Thachanakary is trapped Manikandan in this case.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X