ബെറ്റ് വയ്ക്കാന്‍ നാലു ഓഹരികള്‍

വിപണിയുടെ ഗതി എന്താണെന്ന് തിരിച്ചറിയാന്‍ പറ്റാത്ത അവസ്ഥയാണ് ഇപ്പോള്‍. ഓഹരികള്‍ക്കെല്ലാം വിലകുറഞ്ഞ ഈ സമയത്ത് നിക്ഷേപിക്കാന്‍ പറ്റിയ നാലുഓഹരികള്‍ നിര്‍ദ്ദേശിക്കുക ബുദ്ധിമുട്ടാണ്. എങ്കിലും തകര്‍ച്ചക്കെതിരേ ശക്തമായ പ്രതിരോധശേഷിയും മികച്ച ബാലന്‍സ് ഷീറ്റുമുള്ള നാലുകമ്പനികളെ നിര്‍ദ്ദേശിക്കുന്നു.

ഭാരതി എയര്‍ടെല്‍: ടെലികോം മേഖല അതിന്റെ മുഴുവന്‍ പ്രതാപത്തോടും കൂടി തിരിച്ചുവരുന്ന സമയമാണ്. തീര്‍ച്ചയായും ഈ അനുകൂല അന്തരീക്ഷത്തില്‍ മികച്ച മാനേജ്‌മെന്റ് പാടവം കാണിയ്ക്കുന്ന ഭാരതി എയര്‍ടെല്‍ തന്നെയായിരിക്കും ഏറ്റവും കൂടുതല്‍ നേട്ടമുണ്ടാക്കുക. കമ്പനി വരുംദിവസങ്ങളില്‍ ആഫ്രിക്കന്‍ വിപണിയിലെ ശക്തമായ സ്വാധീനമായി മാറുമെന്നുറപ്പാണ്.

കോള്‍ ഇന്ത്യ: സാമ്പത്തിക മേഖലയില്‍ എന്തുസംഭവിച്ചാലും അടിസ്ഥാന ഊര്‍ജ്ജ ആവശ്യങ്ങള്‍ക്കു മാറ്റം വരില്ലെന്ന യുക്തിയാണ് ഈ ഓഹരിയെ ഉള്‍പ്പെടുത്താന്‍ കാരണം. കടമില്ലാത്ത, ഒട്ടേറെ കരുതിവപ്പുള്ള ഈ കമ്പനിയുടെ ഓഹരികള്‍ ഏത് പ്രതിസന്ധിയിലും വാങ്ങാവുന്നതാണ്. മറ്റൊരു രീതിയില്‍ പറഞ്ഞാല്‍ കോള്‍ ഇന്ത്യയെ പോലെ കോള്‍ ഇന്ത്യ മാത്രമേയുള്ളൂ.

ഐ.ടി.സി: സിഗരറ്റ് വിപണിയില്‍ നിന്നാണ് ഈ കമ്പനിയുടെ 80 ശതമാനം ലാഭവും വരുന്നത്. മികച്ച ഡിവിഡന്റ് ഓരോ വര്‍ഷവും നല്‍കുന്ന കമ്പനിയാണിത്. അടുത്ത രണ്ടു വര്‍ഷത്തേക്ക് വിപണിയില്‍ എന്തു സംഭവിച്ചാലും 15 മുതല്‍ 18 ശതമാനം വരെ മിനിമം വളര്‍ച്ചാനിരക്ക് പ്രതീക്ഷിക്കാവുന്നതാണ്.

സിആന്റ്‌സി കണ്‍സ്ട്രക്ഷന്‍സ് ലിമിറ്റഡ്: ഈ സമയത്ത് കണ്ണുമടച്ചുവാങ്ങാവുന്ന ഓരോഹരി. അത്യന്തം റിസ്‌കുള്ള നിര്‍മാണപ്രവര്‍ത്തികള്‍ ഏറ്റെടുക്കുന്ന ഈ കമ്പനി ഭീമമായ ലാഭമുണ്ടാക്കാറുണ്ട്. 120 രൂപയ്ക്കു താഴെയെത്തിയാല്‍ എപ്പോഴും വാങ്ങാവുന്നതാണ്. വാങ്ങാവുന്ന ഏറ്റവും മികച്ച വില 80 രൂപ.

English summary

What may be the best stocks to buy now? Its not an easier job. Here provides advice to buy four stocks which may bring more profit in your portfolio