ദേവപ്രശ്നക്കാര് കോടതിയെ പേടിപ്പിക്കുന്നു: വിഎസ്
സുപ്രീകോടതി വിധിക്കനുസരിച്ചുളള നടപടികള് നിക്ഷിപ്ത താത്പര്യത്തിന് എതിരാണെന്നു കണ്ടാല് പ്രശ്നക്കാരെ കൊണ്ടുവന്നു നിലവറ തുറന്നാല് തുറക്കുന്നവന്റെ വംശമേ മുടിഞ്ഞുപോകുമെന്ന് പറയിക്കുന്ന ഗൂഢാലോചനയാണ് നടക്കുന്നത്.
കോടതികളെ വരെ ഭയപ്പെടുത്താന് ജ്യോത്സ്യന്മാര്ക്കു കഴിയും. സമൂഹമനസിലുള്ള വിശ്വാസത്തെ അധീശശക്തികള്ക്ക് എങ്ങനെ ദുരുപയോഗം ചെയ്യാന് കഴിയുമെന്നതിന്റെ തെളിവാണ് ദൈവജ്ഞര് എന്നു വിശ്വസിപ്പിക്കപ്പെടുന്ന ചിലരെ ഉപയോഗിച്ചുള്ള നാടകം. മാധ്യമങ്ങള് ഇക്കാര്യത്തില് വഹിക്കുന്ന പങ്ക് കാലത്തിനു ചേര്ന്നതല്ല.
യുക്തിക്കും വസ്തുതക്കും ഒരു വിലയും കല്പ്പിക്കുന്നില്ലെന്നത് ആപത്കരമാണ്. സത്യത്തിന്റെ ദീപസ്തംഭങ്ങളാകേണ്ട പത്രപ്രവര്ത്തകര് അന്ധവിശ്വാസങ്ങളുടെയും അനാചാരങ്ങളുടെയും പ്രചാരകരാവരുത് വിഎസ് അച്യുതാനന്ദന് പറഞ്ഞു.
Click it and Unblock the Notifications
Sign in with Google