ഹസാരെക്ക് മുന്നില് സര്ക്കാര് മുട്ടുമടക്കുന്നു
ഹസാരെ വിഷയത്തില് പ്രധാനമന്ത്രിയ്ക്ക് പിന്നാലെ ആഭ്യന്തര മന്ത്രി പി ചിദംബരവും ലോക്സഭയില് പ്രസ്താവന നടത്തിയിരുന്നു. ഹസാരെയുടെ അറസ്റ്റിനെ ന്യായീകരിയ്ക്കാനാണ് ചിദംബരം ശ്രമിച്ചത്. രാവിലെ പ്രധാനമന്ത്രി മന്മോഹന് സിങ് അറസ്റ്റിനെ ന്യായീകരിച്ചതിനെതിരെ ബിജെപിയും ഇടതുപാര്ട്ടികളും രംഗത്തെത്തിയിരുന്നു.
ഹസാരെ സംഘത്തിന്റെ ആവശ്യങ്ങള് അംഗീകരിയ്ക്കാത്തതിനെ തുടര്ന്ന് ചര്ച്ചകള് നേരത്തെ വഴിമുട്ടിയിരുന്നു. രാംലീലാ മൈതാനി നിരാഹാര സമരവേദിയാക്കാന് ഹസാരെ സംഘത്തോട് സര്ക്കാര് നിര്ദേശിച്ചിരുന്നു.
ഇവിടെ ഒരാഴ്ച സമരം നടത്താനുളള അനുമതിയാണ് സര്ക്കാര് നല്കിയത്. എന്നാല്, ഒരു മാസത്തെ സമരത്തിന് രാംലീലാ മൈതാനി അനുവദിക്കണമെന്ന നിലപാടിലാണ് അണ്ണ ഹസാരെ. അല്ലാത്ത പക്ഷം സര്ക്കാരിന്റെ നിബന്ധനകള് അംഗീകരിക്കാനാവില്ലെന്ന് ഹസാരെ സംഘം അറിയിച്ചു. ഇതോടെ തിഹാറില് ജയില് നിന്ന് പുറത്തിറങ്ങില്ലെന്നും ഹസാരെ വ്യക്തമാക്കിയിരുന്നു.
Click it and Unblock the Notifications
Sign in with Google