ഹസാരെയ്ക്ക് പിന്തുണയുമായി അമിതാഭും ലത മങ്കേഷ്‌കറും

പുനെ: അഴിമതിയ്‌ക്കെതിരെ സന്ധിയില്ലാ സമരം പ്രഖ്യാപിച്ചിരിക്കുന്ന അണ്ണാ ഹസാരെയ്ക്ക് പിന്തുണയുമായി അമിതാഭ് ബച്ചനും ലത മങ്കേഷ്‌കറും.

ട്വിറ്ററിലൂടെയാണ് മെലഡിയുടെ രാജ്ഞി താന്‍ ഹസാരെയെ പിന്തുണയ്ക്കുന്നുവെന്ന് അറിയിച്ചത്. എനിക്ക് രാഷ്ട്രീയത്തില്‍ താത്പര്യമില്ല. രാഷ്ട്രീയത്തെ കുറിച്ച് കൂടുതലായി അറിയുകയുമില്ല. എന്നാല്‍ അഴിമതി തുടച്ചു നീക്കേണ്ടത് ഇന്ത്യയിലെ ജനങ്ങളുടെ ആവശ്യമാണ്. അതിനാല്‍ ഞാന്‍ ഹസാരെയെ പിന്തുണയ്ക്കുന്നു-ലത മങ്കേഷ്‌കറുടെ ട്വീറ്റില്‍ പറയുന്നു.

മാര്‍ട്ടിന്‍ ലൂഥര്‍കിങ്ങിന്റെ വാക്യം കടമെടുത്താണ് അമിതാഭ് ഹസാരെയ്ക്കുള്ള പിന്തുണ പ്രഖ്യാപിച്ചത്. സ്വാതന്ത്ര്യം ഒരിക്കലും അധികാരികള്‍ സ്വയം തരില്ല; അടിച്ചമര്‍ത്തപ്പെട്ടവര്‍ അത് ചോദിച്ചു വാങ്ങുക തന്നെ വേണം എന്ന് അര്‍ഥം വരുന്ന വാക്യത്തിലൂടെ തന്റെ പിന്തുണ ഹസാരെയ്ക്കാണെന്ന് ബിഗ് ബി പ്രഖ്യാപിച്ചു.

English summary

Social crusader Anna Hazare on Thursday received support from none other than Bharat Ratna Lata Mangeshkar who said she was supporting Hazare because the country needed to be freed from corruption. The melody queen has used the popular microblogging site twitter to express solidarity with the Gandhian.