ഹസാരെ നിരാഹാരത്തില്; കച്ചവടക്കാര് സന്തോഷത്തില്
ഇതില് മനംനിറഞ്ഞ് സന്തോഷിക്കുന്ന ഒരു കൂട്ടരുണ്ട്, മൈതാനത്തെ കച്ചവടക്കാര്. ഗാന്ധിയനായ ഹസാരെയാണ് സമരം നടത്തുന്നതെന്നതുകൊണ്ട് ഗാന്ധിയുമായി ബന്ധപ്പെട്ട അടയാളങ്ങള്ക്കെല്ലാം നല്ല വില്പ്പനയാണിവിടെ. ഗാന്ധിത്തൊപ്പി, ത്രിവര്ണ പതാക, ഗാന്ധിജിയുടെ ഫോട്ടോ, ഹസാരെയുടെ ഫോട്ടോ തുടങ്ങിയവയെല്ലാം ചൂടപ്പം പോലെ വിറ്റുപോവുകയാണ്. നൂറുകണക്കിന് ഗാന്ധിത്തൊപ്പികളാണ് മണിക്കൂറുകള്കൊണ്ട് വിറ്റുപോകുന്നത്.
കച്ചവടക്കാരുടെ ഉത്സാഹം കാണുമ്പോള് രാംലീലയില് കാര്ണിവല് നടക്കുന്നുവെന്ന തോന്നലാണ്. അത്രക്കു തിരക്കുപിടിച്ച കച്ചടവത്തിലാവണവര്. പതിനഞ്ച് ദിവസത്തെ മേള എന്നാണ് ചില കച്ചവടക്കാര് ഹസാരെയുടെ സമരത്തെ വിശേഷിപ്പിക്കുന്നത്.
ബാഡ്ജുകള്, പതാക, കൈയില് കെട്ടുന്ന ബാന്ഡ്, ഹെയര്ബാന്ഡ്, ഗാന്ധിത്തൊപ്പി, ഹസാരെയുടെ ചിത്രം പതിച്ച ത്രിവര്ണ പതാക എന്നിവയെല്ലാം തീരുന്ന മുറയ്ക്ക് മൈതാനത്ത് വീണ്ടുമെത്തും. ഇക്കാര്യത്തില് ഹസാരെയ്ക്ക് തങ്ങള് നന്ദിപറയണെന്നും കുറച്ചുദിവസമായി കച്ചവടം നല്ല ലാഭത്തിലാണെന്നും വില്പനക്കാര് പറയുന്നു.
ഹസാരെയുടെ സമരത്തിന്റെ ആറാംദിവസമായ ഞായറാഴ്ച കൂടുതല് കച്ചവടക്കാര് മൈതാനിലെത്തിയിട്ടുണ്ട്. സാദര് ഉള്പ്പെടെയുള്ള സ്ഥലങ്ങളില് നിന്ന് ചെറിയ വിലയ്ക്ക് മൊത്തമായി വാങ്ങുന്ന സാധനങ്ങള് ഇവിടെ നല്ല ലാഭത്തിനാണ് വില്ക്കുന്നതെന്ന് കച്ചവടക്കാര് പറഞ്ഞു.
Click it and Unblock the Notifications
Sign in with Google