Click it and Unblock the Notifications
Just In
Don't Miss
-
IPL 2024: പുറത്തായ ബട്ട്ലറെ പച്ചത്തെറി വിളിച്ച് പിയുഷ് ചൗള; കാണിച്ചത് മര്യാദകേട്! -
കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ -
വിളിച്ചാല് വിളിപ്പുറത്തെത്തും; കാര്യസിദ്ധിക്ക് പേരുകേട്ട ഇന്ത്യയിലെ പ്രധാന ഹനുമാന് ക്ഷേത്രങ്ങള് -
1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഗോപി: ഒളിക്യാമറയ്ക്ക് റിമോര്‍ട്ട് കണ്‍ട്രോളും
കൊച്ചി: സിപിഎം എറണാകുളം ജില്ലാ സെക്രട്ടറിയായിരുന്ന ഗോപി കോട്ടമുറിക്കലിനെതിരേ സ്വഭാവദൂഷ്യം ആരോപിക്കപ്പെട്ട സംഭവത്തില്‍ അന്വേഷണ കമ്മിഷന്‍ തെളിവെടുപ്പു തുടങ്ങി.
ചൊവ്വാഴ്ച പാര്‍ട്ടി ആസ്ഥാനമായ ലെനിന്‍ സെന്ററിലാണു വൈക്കം വിശ്വന്റെ നേതൃത്വത്തിലുള്ള സമിതി തെളിവെടുത്തത്. കോണ്‍ഫറന്‍സ് ഹാളില്‍ സമിതിയംഗങ്ങള്‍ പങ്കെടുത്ത സിറ്റിങില്‍ ഓഫീസ് സെക്രട്ടറിമാരില്‍നിന്നു വിവരങ്ങള്‍ ശേഖരിച്ചു. ബുധനാഴ്ചയും തെളിവെടുപ്പ് തുടരും.
ഗോപിയെ കുടുക്കാനായി വച്ച ഒളികാമറ പുറമേനിന്നു റിമോട്ട് കണ്‍ട്രോള്‍ ഉപയോഗിച്ച് പ്രവര്‍ത്തിപ്പിച്ചെന്നാണു വിവരം. തല്‍സമയം ഇതിന്റെ വീഡിയോ പകര്‍പ്പ് കമ്പ്യൂട്ടറില്‍ ശേഖരിക്കുകയായിരുന്നു. ഈ ദൃശ്യങ്ങള്‍ അടങ്ങിയ സി ഡിയാണ് പരാതിക്കൊപ്പം പാര്‍ട്ടി നേതൃത്വത്തിന് കൈമാറിയിരിക്കുന്നത്.
ഒളികാമറ പാര്‍ട്ടി സെക്രട്ടറിയുടെ മുറിയില്‍ സ്ഥാപിച്ചുവെന്നു കരുതുന്ന ഓഫീസ് സെക്രട്ടറിമാര്‍ക്കെതിരേ നടപടിയുണ്ടായേക്കുമെന്നാണു സൂചന. ഓഫീസ് സെക്രട്ടറിമാരില്‍ ഒരാള്‍ ഒളികാമറ പ്രവര്‍ത്തിപ്പിക്കുന്നതിനു നേതൃത്വം നല്‍കിയതായാണു വിവരം.
ആരോപണം പാര്‍ട്ടി നേതൃത്വത്തില്‍ എത്തിച്ച ജില്ലാ സെക്രട്ടേറിയറ്റംഗം കെ.എ. ചാക്കോച്ചനും ചൊവ്വാഴ്ച സമിതി മുമ്പാകെ വിവരങ്ങള്‍ കൈമാറി.
പാര്‍ട്ടി സമ്മേളനങ്ങള്‍ അടുത്ത സാഹചര്യത്തില്‍ വിഷയം വന്‍ വിവാദത്തിനു വഴിവയ്ക്കാതെ ഒതുക്കാന്‍ പാര്‍ട്ടി നേതൃത്വം ആലോചിക്കുന്നുണ്ട്. എന്നാല്‍ ഇക്കാര്യത്തില്‍ കടുത്ത നടപടി വേണമെന്ന നിലപാടാണു കേന്ദ്ര കമ്മിറ്റി അംഗമായ എം.സി. ജോസഫൈന്‍ കൈക്കൊണ്ടത്.
ഓഗസ്റ്റില്‍ത്തന്നെ ഇതിന്റെ അന്വേഷണ റിപ്പോര്‍ട്ട് സമര്‍പ്പിക്കാനും നിര്‍ദേശമുണ്ട്. സെപ്റ്റംബര്‍ 12 മുതല്‍ ബ്രാഞ്ച് സമ്മേളനങ്ങള്‍ ആരംഭിക്കുകയാണ്.
