ഭക്ഷ്യപണപ്പെരുപ്പം കൂടി, 9.8 ശതമാനം

ന്യൂഡല്‍ഹി: എല്ലാ കണക്കുകൂട്ടലും തെറ്റിച്ചുകൊണ്ട് രാജ്യത്തെ ഭക്ഷ്യപണപ്പെരുപ്പം വീണ്ടും മുന്നോട്ട്. ആഗസ്ത് 13ന് അവസാനിച്ച ആഴ്ചയില്‍ മൊത്തവിലസൂചിക(ഡബ്ല്യു.പി.ഐ) 9.8 ശതമാനത്തിലേക്കുയര്‍ന്നു. തൊട്ടുമുമ്പത്തെ ആഴ്ചയില്‍ 9.03 ശതമാനം മാത്രമായിരുന്നു.

എന്നാല്‍ കഴിഞ്ഞ വര്‍ഷം ഇതേ സമയവുമായി താരതമ്യം ചെയ്യുമ്പോള്‍ ഏറെ മെച്ചമാണ്. 14.56 ശതമാനമായിരുന്നു 2010 ആഗസ്ത് 13ലെ നിരക്ക്. ഉള്ളി, ഉരുളകിളങ്ങ്, പഴവര്‍ഗ്ഗങ്ങള്‍ എന്നിവയ്ക്കുണ്ടായ വില വര്‍ധനവാണ് സൂചികയില്‍ പ്രതിഫലിച്ചത്.

ഉള്ളിയുടെ വില കഴിഞ്ഞ വര്‍ഷവുമായി താരതമ്യം ചെയ്യുമ്പോള്‍ 44.42 ശതമാനവും പഴവര്‍ഗ്ഗങ്ങള്‍ 27 ശതമാനവും മുട്ട, മാസം, മല്‍സ്യം എന്നിവ 13.3 ശതമാനവും കൂടുതലാണ്.

പാല്‍വിലയില്‍ 9.51 ശതമാനവും പച്ചക്കറി വിലയില്‍ 6.52 ശതമാനത്തിന്റെ വ്യത്യാസമുണ്ടായി. അതേ സമയം പരിപ്പുവര്‍ഗ്ഗങ്ങള്‍ 5.56 ശതമാനവും ഗോതമ്പ് 2.8 ശതമാനവും വിലകുറഞ്ഞു.

English summary

Food inflation, as measured by Wholesale Price Index (WPI) rose to 9.80%, close to double digit for the week ended on August 13 on account of costlier onions, potatoes, fruits and protein-based items.It stood at 9.03% for the week ended August 6. It was at 14.56% in the corresponding period of last year.