കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

തീവണ്ടിയില്‍ മദ്യപിച്ച ഡിഐജിയുടെ വിളയാട്ടം

  • By Lakshmi
Google Oneindia Malayalam News

കൊച്ചി: തീവണ്ടി യാത്രക്കിടെ മദ്യപിച്ച് ലക്കുകെട്ട ഡിഐജി ഇകെ ജയരാജ് യാത്രക്കാരെ കയ്യേറ്റം ചെയ്തു.
ജനശതാബ്ദി എക്‌സ്പ്രസിന്റെ എ.സി കമ്പാര്‍ട്ട്‌മെന്റിലായിരുന്നു ജയരാജിന്റെ വിളയാട്ടം.

ഒടുക്കം യാത്രക്കാര്‍ ഇയാളെ പിടികൂടി റെയില്‍വേ പോലീസിനു കൈമാറുകയായിരുന്നു. ലീഗല്‍ മെട്രോളജി കംപ്‌ട്രോളറാണ് ജയരാജ്.

തൃശൂരില്‍നിന്നു കയറിയ ജയരാജ് ചാലക്കുടിയായപ്പോള്‍ ബഹളം തുടങ്ങുകയായിരുന്നുവത്രേ. സുജിത്ത് എന്ന യാത്രക്കാരന്‍ ലാപ്‌ടോപ്പ് ചാര്‍ജ് ചെയ്യാന്‍ ടേബിളില്‍ വച്ചതാണു ഇയാളെ പ്രകോപിപ്പിച്ചത്.

ലാപ്‌ടോപ്പ് എടുത്തുമാറ്റാന്‍ ഡിഐജി ആവശ്യപ്പെട്ടു. ലാപ്‌ടോപ്പ് പുറത്തുകൊണ്ടുപോയി കളയാനും ശ്രമിച്ചു. ഇത് യാത്രക്കാര്‍ എതിര്‍ത്തതോടെ സംഘര്‍ഷമായി. ഡിഐജിയാണെന്നു പറഞ്ഞ് യാത്രക്കാരുടെ ഷര്‍ട്ടിനു കുത്തിപ്പിടിച്ചു.

സംഭവം കണ്ട് വനിതാ യാത്രക്കാര്‍ ബഹളം വച്ചു. ഇടപ്പള്ളിയിലെത്തിയപ്പോള്‍ പോലീസെത്തിയെങ്കിലും എറണാകുളത്തെത്താതെ ഡിഐജിയെ കൈമാറില്ലെന്ന് യാത്രക്കാര്‍ വ്യക്തമാക്കി. ഒടുവില്‍ വണ്ട് സൗത്ത് സ്റ്റേഷനില്‍ എത്തിയപ്പോള്‍ റെയില്‍വേ പോലീസെത്തി കസ്റ്റഡിയിലെടുക്കുകയായിരുന്നു.

പൊലീസിന് കൈമാറുന്നതിനിടെ ഇയാള്‍ ഓടി രക്ഷപ്പെടാനും ശ്രമം നടത്തി. ജയരാജ് മദ്യപിച്ചിട്ടുണ്ടോയെന്നു വ്യക്തമല്ലെന്നും പരാതി കിട്ടിയിട്ടില്ലെന്നുമാണ് റെയില്‍വേ പോലീസ് പറയുന്നത്.

എന്നാല്‍ എഡിജിപി ഹേമചന്ദ്രന്റെ റിപ്പോര്‍ട്ട് കിട്ടിയാലുടന്‍ നടപടിയുണ്ടാകുമെന്ന് ഡിജിപി ജേക്കബ് പുന്നൂസ് വ്യക്തമാക്കി

English summary
DIG EK Jayaraj manhandled train passengers after consuming liquor. Passengers caught him and hand over to railway police,
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X