പറവൂര്‍: ഡോക്ടര്‍ക്കെതിരെ ലുക്ക്ഔട്ട് നോട്ടീസ്

കൊച്ചി: പറവൂര്‍ പീഡനക്കേസില്‍ വിദേശത്ത് ഒളിവില്‍ കഴിയുന്ന ഡോക്ടര്‍ക്കെതിരേ ക്രൈംബ്രാഞ്ചിന്റെ ലുക്ക് ഔട്ട് നോട്ടീസ്.

ദമാമിലെ ആശുപത്രിയില്‍ ഡോക്ടറായി ജോലി ചെയ്യുന്ന ആലപ്പുഴ മാന്നാര്‍ ആരിയാട്ടുവീട്ടില്‍ ഡോക്ടര്‍ ഹാരി അബ്ദുള്‍ അസീസിനെതിരേയാണ് ലുക്ക് ഔട്ട് നോട്ടീസിറക്കിയത്.

എറണാകുളം ലൂര്‍ദ്ദ് ആശുപത്രിയില്‍ ജോലി ചെയ്യുമ്പോള്‍ പറവൂര്‍ പെണ്‍കുട്ടിയെ മറ്റു രണ്ടുപേര്‍ക്കൊപ്പം സ്വന്തം ഫഌറ്റില്‍ കൊണ്ടുപോയി പീഡിപ്പിച്ചെന്നാണ് ഇയാള്‍ക്കെതിരെ കേസ്. ദമാമില്‍ ജോലി ചെയ്യുന്ന ഡോക്ടര്‍ക്കായി നേരത്തേ ലുക്ക് ഔട്ട് നോട്ടീസിറക്കാന്‍ ക്രൈംബ്രാഞ്ച് തീരുമാനിച്ചിരുന്നെങ്കിലും ഇദ്ദേഹം കീഴടങ്ങാന്‍ സന്നദ്ധത അറിയിച്ചതിനെത്തുടര്‍ന്ന് വേണ്ടെന്നുവയ്ക്കുകയായിരുന്നു.

ഡോക്ടറെ നാട്ടിലെത്തിച്ച് ക്രൈംബ്രാഞ്ചിനു മുന്നില്‍ ഹാജരാക്കാമെന്ന് ബന്ധുക്കളും ഉറപ്പുനല്‍കിയിരുന്നു. എന്നാല്‍, ക്രൈംബ്രാഞ്ച് അനുവദിച്ച സമയം കഴിഞ്ഞിട്ടും കീഴടങ്ങാന്‍ ഡോക്ടര്‍ തയാറാകാത്ത സാഹചര്യത്തിലാണു ലുക്ക് ഔട്ട് നോട്ടീസിറക്കിയത്.

English summary

Crime Branch police today issued a look-out notice against Dr Hary Abdul Aziz, who is presently practising in a Saudi Arabia hospital, in connection with the case relating to the rape of a minor girl by 100 odd men over a period of time.