പരസ്യങ്ങളിലും ഹസാരെ തന്നെ താരം

മലപ്പുറം: തന്റെ നിരാഹാര സമരത്തിലൂടെ ജനലോക്പാല്‍ ബില്‍ എന്ന ആവശ്യം നേടിയെടുത്ത അണ്ണാ ഹസാരെ പരസ്യങ്ങളിലും താരമാകുന്നു. ഹസാരെയുടെ അഴിമതിവിരുദ്ധ നിലപാട് മൂലം അദ്ദേഹത്തിന് ലഭിച്ച ഹീറോ പരിവേഷമാണ് തങ്ങളുടെ പരസ്യ ബോര്‍ഡുകളില്‍ ഹസാരെയുടെ ചിത്രം പതിപ്പിയ്ക്കാന്‍ സ്ഥാപനമുടമകളെ പ്രേരിപ്പിക്കുന്നത്.

കേരളത്തില്‍ പലസ്ഥലങ്ങളിലുമുള്ള പരസ്യ ബോര്‍ഡുകളില്‍ ഹസാരെയുടെ ചിത്രം കാണാം. പരസ്യ ബോര്‍ഡ് തയ്യാറാക്കുന്ന സമയത്ത് സ്ഥാപനമുടമകള്‍ ഹസാരെയുടെ ചിത്രം കൂടി ഉള്‍പ്പെടുത്താന്‍ ആവശ്യപ്പെടാറുണ്ടെന്ന് ഈ രംഗത്ത് പ്രവര്‍ത്തിയ്ക്കുന്നവര്‍ പറയുന്നു.

പരസ്യ ബോര്‍ഡുകളില്‍ മാത്രമല്ല, ഓണം, റംസാന്‍ ആശംസകള്‍ നേര്‍ന്നുകൊണ്ടുള്ള ഫഌക്‌സ് ബോര്‍ഡുകളിലും ഹസാരെയുടെ ചിത്രം ആലേഖനം ചെയ്തിട്ടുണ്ട്. മലപ്പുറത്ത് ഈദ് ആശംസകള്‍ അറിയിച്ചു കൊണ്ടുള്ള ഫഌക്‌സ് ബോര്‍ഡുകളില്‍ പലയിടങ്ങളിലായി ഹസാരെയുടെ പടം കാണാം. വിവിധ സന്നദ്ധ സംഘടനകളും ക്ലബുകളും അടിച്ചിറക്കുന്ന പോസ്റ്ററുകളിലും ഹസാരെ തന്നെ താരം.

English summary

With his movement aganist corruption Anna Hazare became the hero of youth. IN kerala one can see flex boards of private shops using anna as their brand model.