എന്.ഡി.എഫ് അതിവേഗം വളരുന്ന തീവ്രവാദസംഘടന
SECRETIVE NDF CONSISTENLY OPPOSES THE U.S. - എന്ന തലവാചകത്തോടെയുള്ള വിവരണത്തിലാണ് ഇക്കാര്യങ്ങള് വ്യക്തമാക്കിയിട്ടുള്ളത്. സന്ദേശം തുടങ്ങുന്നത് തന്നെ ഇങ്ങനെയാണ് -"One of the fastest growing, most controversial and secretive Muslim organizations in Kerala is the National Development SIPDIS Front (NDF)"-
പ്രമുഖമലയാളപത്രത്തിന്റെ മലപ്പുറം ലേഖകന്റെ അഭിപ്രായത്തില് വടക്കന് കേരളത്തില് ഉണ്ടായിട്ടുള്ള വര്ഗ്ഗീയസംഭവങ്ങള്ക്കെല്ലാം പിറകില് പ്രവര്ത്തിച്ചത് എന്.ഡി.എഫാണ്. 2003ലെ മാറാട് കൂട്ടക്കൊലയ്ക്ക് നേതൃത്വം കൊടുത്തത് എന്.ഡി.എഫിന്റെയും ഇന്ത്യന് യൂനിയന് മുസ്ലിം ലീഗിന്റെയും പ്രവര്ത്തകരാണ്. ഇവിടെയാണ് വിക്കിലീക്ക് ഉദ്ധരിക്കുന്ന മന്ത്രി എം കെ മുനീറിന്റെ വാക്കുകള് പ്രാധാന്യം നേടുന്നത്. 'പാര്ട്ടിയിലേക്ക് എന്.ഡി.എഫുകാരെ നുഴഞ്ഞുകയറാന് ഒത്താശ ചെയ്തുകൊടുക്കുന്നത് മുന് മന്ത്രി കുഞ്ഞാലിക്കുട്ടിയാണ്.'.
എന്.ഡി.എഫ് പണം വാരിയെറിയുന്നുണ്ട്. ഇതിന്റെ ഉറവിടം വ്യക്തമല്ല. പശ്ചിമേഷ്യന് രാജ്യങ്ങളില് നിന്ന് നേരിട്ടും അല്ലാതെയും ഇവിടെയെത്തുന്ന പണത്തിന് കൈയും കണക്കുമില്ല. ഇറാനില് നിന്നും പാകിസ്താനില് നിന്നും എന്.ഡി.എഫിന് പണം കിട്ടുന്നുവെന്ന റിപ്പോര്ട്ടുകള് തള്ളികളയാനാവില്ല-മുന് കോഴിക്കോട് കമ്മീഷണര് ബല്റാം ഉപാദ്ധ്യായ പറഞ്ഞു. (Kozhikode Police Commissioner Balram Upadhyay (protect) told Post that the NDF "seems to be spending a lot of money," saying he has no idea of its sources.)
പത്രവ്യവസായം പ്രതിസന്ധിയിലൂടെ നീങ്ങുമ്പോള് തേജസ് പോലൊരു പത്രം തുടങ്ങി അതിനു നാല് എഡിഷനുകളിലേക്ക് വ്യാപിപ്പിക്കാന് എന്.ഡി.എഫിന് നിഷ്പ്രയാസം സാധിച്ചത് ഈ പണത്തിന്റെ ഒഴുക്കുകൊണ്ടാണെന്ന് പത്ര ലേഖകനായ ബാബുരാജ് അഭിപ്രായപ്പെട്ടതായും ഈ സന്ദേശത്തില് പറയുന്നു.
വലിയൊരു ആക്രമണം നടത്താന് മാത്രം എന്.ഡി.എഫ് ഒരു ശക്തിയൊന്നുമല്ലെങ്കിലും പ്രശ്നങ്ങളുണ്ടാക്കാന് കുറച്ചു പേര് മതി-എന്നാല് മുജാഹിദ് നേതാവ് ഹുസൈന് മടവൂര് പ്രതികരിച്ചത്.
കേരളത്തിലെ സാമുദായിക സൗഹാര്ദ്ദം അനുദിനം വഷളായി വരുന്നതിനുള്ള പ്രധാനകാരണം മുസ്ലിംകള്ക്ക് കരുത്തുള്ള ഒരു നേതാവില്ലാത്തതാണ്. ഇന്ത്യന് യൂനിയന് മുസ്ലിം ലീഗിന് രാഷ്ട്രീയപരമായി ഏറ്റ തിരിച്ചടികള് പാര്ട്ടി തലവനും ആത്മീയനേതാവുമായ പാണക്കാട് ശിഹാബ് തങ്ങളുടെ സ്വാധീനത്തിലും കുറവുവരുത്തി. അത്തരം ഒരു സാഹചര്യത്തില് പ്രശ്നങ്ങളുണ്ടാവുമ്പോള് അത് പലപ്പോഴും നിയന്ത്രണവിധേയമല്ലാതായി മാറും-മാധ്യമപ്രവര്ത്തകന് തുടര്ന്നു.