ഫേസ് ബുക്ക് കട്ടാക്കി: കാമുകി തൂങ്ങി മരിച്ചു

ബാംഗ്ലൂര്‍: വാക്കുതര്‍ക്കത്തെ തുടര്‍ന്ന് കാമുകന്‍ ഫേസ്ബുക്കിലെ ഫ്രണ്ട്‌സ് ലിസ്റ്റില്‍ നിന്ന് ഒഴിവാക്കിയതില്‍ മനംനൊന്ത് ബാംഗ്ലൂര്‍ ഐഐഎം വിദ്യാര്‍ത്ഥിനി തൂങ്ങി മരിച്ചു. ജാര്‍ഖണ്ഡിലെ ജംഷഡ്പൂരില്‍ നിന്നുള്ള മാലിനി മുര്‍മു(22) ആണ് മരിച്ചത്.

ഞായറാഴ്ചയാണ് മാലിനിയുടെ കൂട്ടുകാരന്‍ ഫേസ്ബുക്കിലെ ഫ്രണ്ട്‌സ് കണക്ഷന്‍ ഡംപ് ചെയ്തത്. പെണ്‍കുട്ടിയെ ക്ലാസ്സില്‍ കാണാതായതോടെ കോളജ് ഹോസ്റ്റല്‍ റൂമില്‍ നടത്തിയ തിരച്ചിലിലാണ് തൂങ്ങിമരിച്ച നിലയില്‍ കണ്ടെത്തിയത്.

'അവന്‍ എന്നെ ഉപേക്ഷിച്ചിരിക്കുന്നു. ഞാന്‍ ജീവനൊടുക്കുകയാണ് 'എന്ന ആത്മഹത്യ കുറിപ്പ് കംപ്യൂട്ടറില്‍ നിന്നു കണ്ടെടുത്തിട്ടുണ്ട്. 421ാം നമ്പര്‍ മുറിയില്‍ പെണ്‍കുട്ടി തനിച്ചായിരുന്നു താമസിച്ചിരുന്നത്.

ഫേസ് ബുക്കില്‍ ആണ്‍കുട്ടിയെഴുതിയ പോസ്റ്റിലും വാക്കുതര്‍ക്കത്തെ കുറിച്ചും വേര്‍പിരിയലിനെ കുറിച്ചും സൂചനയുണ്ട്. ഇന്ന് സ്വാതന്ത്രം കിട്ടിയ ദിവസമാണ്. പഴയകാമുകിയില്‍ നിന്നു മോചനം കിട്ടിയ സുദിനം.

English summary

Indian Institute of Bangalore Student hanged herself in hoster room. As per police the reason for suicide was facebook dump done by boyfriend.