ശരിയ്ക്കും സോണിയ്‌ക്കെന്താണ്?

ഒരു ചോദ്യം ചോദിച്ചാല്‍ ഇന്ത്യന്‍ മാധ്യമലോകത്തെ താരരാജാക്കന്മാര്‍ക്കെല്ലാം തലതാഴ്ത്തിയിരിക്കേണ്ടി വരും. എന്താണത്? രാജ്യത്തെ ഏറ്റവും വലിയ രാഷ്ട്രീയപാര്‍ട്ടിയുടെ നേതാവ്, യുപിഎയുടെ അധ്യക്ഷ സോണിയാ ഗാന്ധിക്ക് എന്താണ് പ്രശ്‌നം?

നിതിന്‍ ഗഡ്കരിയുടെ പൊണ്ണത്തടിയെ കുറിച്ചും ഒമര്‍ അബ്ദുള്ളയുടെ രണ്ടാം കെട്ടിനെ കുറിച്ചും ജോസഫിന്റെ എസ്എംഎസിനെ കുറിച്ചും ലൈവ് ഷോ നടത്തുന്ന മാധ്യമങ്ങള്‍ക്കൊന്നും തന്നെ സോണിയ എന്തു ചെയ്യുന്നുവെന്നറിയണ്ട. കോണ്‍ഗ്രസ് ബീറ്റുള്ള നൂറുകണക്കിന് മാധ്യമപ്രവര്‍ത്തകര്‍ ദില്ലിയില്‍ മാത്രമുണ്ട്. എന്നാല്‍ അതിലൊരാള്‍ക്കു പോലും ജനപഥ് പത്താം നമ്പറില്‍ എന്തു നടക്കുന്നുവെന്നറിയാന്‍ താല്‍പ്പര്യമില്ലെന്നത് വിശ്വസിക്കാന്‍ പ്രയാസമാണ്.

വ്യക്തിജീവിതത്തിലേക്ക് ഒളിച്ചു നോക്കില്ലെന്ന് ആദര്‍ശം പറയാന്‍ കരുത്തുള്ള ഒറ്റ മാധ്യമവും ഇവിടെയില്ലാത്തതുകൊണ്ട് അങ്ങനെ ചെയ്യാന്‍ ധൈര്യമില്ല എന്നു തന്നെയാണ് വാസ്തവം. ഇവിടെയാണ് ഇന്ത്യന്‍ മാധ്യമവര്‍ഗ്ഗം തലകുനിക്കേണ്ടത്. സോണിയയുമായി ബന്ധപ്പെട്ട അടിസ്ഥാനപരമായ വിവരങ്ങള്‍ ശേഖരിക്കാന്‍ കഴിയാത്തത് എന്തുകൊണ്ട്?

English summary

Sonia Gandhi returned home but even today still no one know what is wrong with the leader of India’s largest political party