ജഗ്ജിത് സിങിന്റെ നില ഗുരുതരമായി തുടരുന്നു

മുംബൈ: പ്രശസ്ത ഗസല്‍ ഗായകന്‍ ജഗ്ജിത് സിങിന്റെ ആരോഗ്യനില ഗുരുതരമായി തുടരുന്നു. മസ്തിഷ്‌കാഘാതത്തെ തുടര്‍ന്ന് മുംബൈ ലീലാവതി ആശുപത്രിയില്‍ പ്രവേശിപ്പിച്ച ജഗ്ജിത് സിങിനെ അടിയന്തിര ശസ്ത്രക്രിയയ്ക്ക് വിധേയനാക്കിയിരുന്നു.

ഇപ്പോഴും ഗുരുതരാവസ്ഥയില്‍ ഐസിയുവിലാണുള്ളത്. അപകടനില തരണം ചെയ്തിട്ടില്ല. തലച്ചോറിന് കാര്യമായ ക്ഷതം ഏറ്റിട്ടുണ്ട്.- ആശുപത്രി കേന്ദ്രങ്ങള്‍ അറിയിച്ചു.

ഗുലാം അലിയോടൊപ്പം സംഗീതപരിപാടി അവതരിപ്പിക്കുന്നതിനുവേണ്ടിയാണ് ജഗ്ജിത് സിങ്‌ മുംബൈയിലെത്തിയത്. ഷണ്‍മുഖാനന്ദ ഹാളിലുള്ള പരിപാടി റദ്ദാക്കിയിട്ടുണ്ട്. ഇന്ത്യയിലെ ഗസല്‍ രാജാവ് എന്നറിയപ്പെടുന്ന ജഗ്ജിത്തിന്റെ ഭാര്യ ചിത്രയും പാട്ടുകാരിയാണ്.

English summary

Ghazal Singer Jagjit Singh was admitted to the hospital after suffering from brain haermorrhage