എന്തുകൊണ്ട് സ്വര്ണത്തിന് വിലകുറയുന്നു?
യൂറോപ്യന് ാമ്പത്തികപ്രതിസന്ധിക്ക് പരിഹാരം കാണുന്നതിന്റെ ഭാഗമായി വിപണിയിലേക്ക് കൂടുതല് സ്വര്ണമൊഴുകാന് സാധ്യതയുണ്ടെന്ന മുന്വിധിയാണ് ഒന്നാമത്തേത്. കൂടാതെ ചിക്കാഗോ ആസ്ഥാനമായി പ്രവര്ത്തിക്കുന്ന സിഎംഇ ഗ്രൂപ്പ് സ്വര്ണത്തിന്റെ അവധി വ്യാപാരത്തിനുള്ള ഡിപ്പോസിറ്റ് തുക ഉയര്ത്തിയതും തിരിച്ചടിയായി.
സ്വര്ണവും ഡോളറും
സ്വര്ണവും ഡോളറും എന്നും വിപരീത ദിശയില് സഞ്ചരിച്ച ചരിത്രമാണുള്ളത്. ഡോളറിനു വിലകൂടുകയാണെങ്കില് സ്വര്ണത്തിനു വിലകുറയും. സാധാരണ ഗതിക്ക് ആഗോളതലത്തില് സ്വര്ണവില പരിഗണിക്കുന്നത് ഡോളറിലാണ്. ഡോളറിന് വിലകൂടുമ്പോള് മറ്റു രാജ്യങ്ങള്ക്ക് സ്വര്ണം വാങ്ങുന്നതിന് ചെലവേറും. ഈ അവസരം മുതലാക്കി ചില മിടുക്കുന്മാര് സ്വര്ണത്തിലെയും ഓഹരിയിലെയും നിക്ഷേപം ഡോളറിലേക്ക് മാറ്റാനും ശ്രമിക്കുന്നുണ്ട്.
ലോകത്തെ പ്രമുഖ ഹെഡ്ജ് ഫണ്ടുകള് വില്പ്പനക്കാരായതും തിരിച്ചടിയായി. രണ്ടാം സാമ്പത്തിക മാന്ദ്യം കടന്നുവരികയാണെങ്കില് അത്തരമൊരു വിപണിയില് സ്വര്ണം പണമാക്കി മാറ്റുന്നതില് കാര്യമില്ലെന്ന നിക്ഷേപകരുടെ തിരിച്ചറിവാണ് ഇത്തരമൊരു നീക്കത്തിനു പിന്നില്.
സ്വര്ണത്തിന്റെയും വെള്ളിയുടെയും ഏറ്റവും വലിയ വില്പ്പനകേന്ദ്രങ്ങളിലൊന്നായ ഇന്ത്യയില് ഡിമാന്റ് കുറഞ്ഞതും വിലക്കുറവിന് കാരണമായി.
Click it and Unblock the Notifications
Sign in with Google