ഫേസ്ബുക്കില്‍ ആപ് കണ്ടെത്താന്‍ ആപ് ഫിഷിംഗ് സൈറ്റ്

Published: Wednesday, September 28, 2011, 14:03 [IST]

ചെന്നൈ: ഫേസ് ബുക്കില്‍ ഒട്ടേറെ ആപ്ലിക്കേഷനുകള്‍ ഉണ്ട്. ഇവ കണ്ടെത്താനിതാ ഒരു പുതിയ സൈറ്റ്, ആപ് ഫിഷിംഗ് ഡോട്ട് കോം.

ചെന്നൈയിലെ പുത്തന്‍ കമ്പനിയായ ജി ബൂം ആണ് ആപ് ഫിഷിംഗ് എന്ന സൈറ്റിന് രൂപം നല്‍കിയിരിയ്ക്കുന്നത്. നിങ്ങളുടെ താല്പര്യം കണ്ടെത്തി അതിനനുസരിച്ചുള്ള ആപ്പുകള്‍ തിരഞ്ഞ് അവ നിര്‍ദ്ദേശിയ്ക്കാനുള്ള കഴിവും ഈ സൈറ്റിനുണ്ട്.

ഫേസ് ബുക്കിലെ ആപ്ലിക്കേഷനുകള്‍ കണ്ടെത്താനുള്ള സംവിധാനം ഫേസ് ബുക്കിന് പുറത്ത് എന്തിനാണ്? ഫേസ് ബുക്ക് അതിന്റെ ആപ് ഡയറക്ടറി രഹസ്യമാക്കുകയും അവ കണ്ടെത്താനായി സോഷ്യല്‍ മാര്‍ഗ്ഗങ്ങള്‍ മാത്രം അവലംബിയ്ക്കുകയും ചെയ്തതാണ് ഇതിന് പ്രസക്തി കൂട്ടിയത്. എന്തായാലും വ്യക്തികള്‍ ഉപയോഗിയ്ക്കാന്‍ താല്പര്യപ്പെടുന്നത് അവര്‍ക്ക് ഇഷ്ടപ്പെടുന്ന ആപ്പുകള്‍ മാത്രമാണ്. അല്ലാതെ അവരുടെ സുഹൃത്തുക്കള്‍ ഉപയോഗിയ്ക്കുന്ന ആപ്പുകള്‍ അല്ല. ഇതാണ് ആപ് ഫിഷിംഗിന്റെ പ്രസക്തി കൂട്ടുന്നത്. ജി ബൂമിന്റെ സി ഇ ഒ പ്രദീപ് വിജയകുമാര്‍ പറയുന്നു.

ഉപയോക്താക്കളുടെ താല്പര്യം കണ്ടെത്താനുള്ള ജിബൂമിന്റെ കഴിവാണ് ആപ് ഫിഷിംഗ് എന്ന സൈറ്റിന്റെ പ്രാധാന്യം കൂട്ടുന്നത്. പുത്തന്‍ മികച്ച ആപ്പുകള്‍ കണ്ടെത്താന്‍ ആപ് ഫിഷിംഗ് പോലെ സൗകര്യമുള്ള മാര്‍ഗ്ഗം വേറെ ഇല്ല.

Published On September 28, 2011