പിള്ളയുടെ വിവാദ ഫോണ്‍ അന്വേഷിയ്ക്കും

തിരുവനന്തപുരം: ഇടമലയാര്‍ കേസില്‍ ജയില്‍ ശിക്ഷ അനുഭവിയ്ക്കുന്ന മുന്‍ മന്ത്രി ആര്‍ ബാലകൃഷ്ണപിള്ള ഒരു സ്വകാര്യ ചാനല്‍ റിപ്പോര്‍ട്ടറുമായി സംസാരിച്ചതിനെ കുറിച്ച് അന്വേഷിയ്ക്കാന്‍ ജയില്‍ എഡിജിപിയുടെ ഉത്തരവ്. ജയില്‍ വെല്‍ഫെയര്‍ ഓഫീസര്‍ പിഎ വര്‍ഗീസിനാണ് അന്വേഷണ ചുമതല.

അധ്യാപകനായ കൃഷ്ണകുമാറിനെ ക്രൂരമായി ആക്രമിച്ച സംഭവത്തെ കുറിച്ച് ചാനല്‍ റിപ്പോര്‍ട്ടറുമായി സംസാരിച്ച ബാലകൃഷ്ണ പിള്ളയുടെ നടപടി വിവാദമായിരുന്നു. ജയിലില്‍ അടയ്ക്കപ്പെട്ട ബാലകൃഷ്ണ പിള്ളയെ ചികിത്സയ്ക്കായി ആശുപത്രിയില്‍ പ്രവേശിപ്പിച്ചിരിക്കുകയായിരുന്നു. ആശുപത്രിയില്‍ നിന്നാണ് പിള്ള ചാനല്‍ റിപ്പോര്‍ട്ടറുമായി സംസാരിച്ചത്.

അധ്യാപകനെ ആക്രമിച്ച സംഭവുമായി തനിയ്്ക്ക് ബന്ധമില്ലെന്നാണ് റിപ്പോര്‍ട്ടറോട് പിള്ള പറഞ്ഞത്. വിഎസിന്റെ പ്രസ്താവന രാഷ്ട്രീയ ലക്ഷ്യങ്ങള്‍ക്ക് വേണ്ടിയുള്ളതാണെന്നും പിള്ള ആരോപിച്ചു.

English summary

Jail ADGP ordered to probe Balakrishna Pillai's phone dispute.