പിള്ള എന്നെ വിളിച്ചിട്ടില്ല: ഉമ്മന്ചാണ്ടി
ഉത്തരവാദിത്തപ്പെട്ട ചുമതല വഹിക്കുന്നവര് ഇങ്ങനെ പറയരുതെന്നും, ഏതു വിധത്തില് വേണമെങ്കിലും ഇതേക്കുറിച്ച് അന്വേഷിക്കാമെന്നും മുഖ്യമന്ത്രി മാധ്യമപ്രവര്ത്തകരുടെ ചോദ്യത്തിന് മറുപടിയായി പറഞ്ഞു.
അധ്യാപകന് ആക്രമിക്കപ്പെട്ട സംഭവത്തില് പ്രതിപക്ഷം തെറ്റായ പ്രചാരണം നടത്തി ജനങ്ങളെ കബളിപ്പിക്കാന് ശ്രമിക്കുകയാണ്. ആരോപണം ഉന്നയിച്ചവര് അത് തെളിയിക്കാന് തയ്യാറാകണം- മുഖ്യമന്ത്രി പറഞ്ഞു.
ബാലകൃഷ്ണപിള്ള ഒരു മാധ്യമപ്രവര്ത്തകനുമായി മൊബൈല് ഫോണില് സംസാരിച്ചത് വിവാദമായതിന് പിന്നാലെ പ്രതിപക്ഷ നേതാവ് വിഎസ് അച്യുതാനന്ദന് പിള്ള മുഖ്യമന്ത്രിയെയും വിളിച്ചിട്ടുണ്ടെന്ന് ആരോപിച്ചിരുന്നു.
ജയില് ശിക്ഷയനുഭവിക്കുന്ന ആര്. ബാലകൃഷ്ണപിള്ള ജയില്ചട്ടം ലംഘിച്ച് മുഖ്യമന്ത്രി ഉമ്മന്ചാണ്ടിയേയും ഫോണില് വിളിച്ചിട്ടുണ്ടെന്നും ചാണ്ടിയുടെ കൂടെനടക്കുന്നവരുടെ ഫോണിലേയ്ക്കാണ് പിള്ള വിളിയ്ക്കുന്നതുമായിരുന്നു കോടിയേരിയുടെ ആരോപണം.
ഉമ്മന്ചാണ്ടിയുടെ ചുറ്റും നടക്കുന്നവരുടെ ഫോണ്നമ്പര് നോക്കി നിജസ്ഥിതി കണ്ടെത്തണമെന്നും കോടിയേരി പറഞ്ഞിരുന്നു.
Click it and Unblock the Notifications
Sign in with Google