ട്രയല്റൂമിലെ ഒളിക്യാമറ; ജീവനക്കാരന് അറസ്റ്റില്
പയ്യന്നൂര് പഴയ ബസ് സ്റ്റാന്ഡിന് സമീപത്ത് പടിഞ്ഞാറുഭാഗം മെയിന്റോഡിലെ മെന്സ് പാര്ക്ക് ആന്ഡ് സിറ്റി ഗേള് എന്ന സ്ഥാപനത്തിലെ ജീവനക്കാരനും തളിപ്പറമ്പ് ഞാറ്റുവയല് സ്വദേശിയുമായ പി.സി.സുബൈര് (40) ആണ് അറസ്റ്റിലായത്. കടയിലെ സെയില്സ്മാന് കം സുപ്പര്വൈസറാണ് സുബൈര്.
പെണ്കുട്ടി വസ്ത്രംമാറാന് ഡ്രസ്സിങ് റൂമില് കയറിയപ്പോഴാണ് രഹസ്യമായി വച്ചിരിക്കുന്ന, ക്യാമറയുള്ള മൊബൈല്ഫോണ് ശ്രദ്ധയില്പ്പെട്ടത്. ലെന്സുമാത്രം പുറത്തുകാണും വിധത്തിലായിരുന്നു മൊബൈല് വച്ചിരുന്നത്.
പെണ്കുട്ടി മൊബൈല്ഫോണുമെടുത്ത് പുറത്തിറങ്ങ്ി ബസ് സ്റ്റാന്ഡിലെ പോലീസ് എയിഡ് പോസ്റ്റിലെ പോലീസുകാരോട് വിവരംപറഞ്ഞു. മൊബൈല്ഫോണ് പോലീസിന് കൈമാറുകയും ചെയ്തു.
സ്റ്റേഷനിലെത്തി പരിശോധിച്ചപ്പോള് ഫോണില് തുണിമാറുന്നരംഗം ചിത്രീകരിച്ചിരിക്കുന്നതായി കണ്ടെത്തിയതിനെത്തുടര്ന്ന് പൊലീസ് കടയിലെത്തി ജീവനക്കാരെ ചോദ്യം ചെയ്യുകയും ഫോണിന്റെ ഉടമയെ ക്സ്റ്റഡിയിലെടുക്കുകയുമായിരുന്നു.
വിവരമറിഞ്ഞ് സ്ഥലത്തെത്തിയ നാട്ടുകാര് കട അടിച്ചുതകര്ത്തു. ചില്ലലമാരകളും ഫര്ണിച്ചറും തകര്ക്കുകയും തുണിത്തരങ്ങള് വാരി റോഡിലേക്ക് വലിച്ചെറിയുകയും ചെയ്തു. കൂടുതല് ആള്ക്കാര് അക്രമം കാണിക്കാതിരിക്കാന് പോലീസ് കടയുടെ ഷട്ടര് താഴ്ത്തി. കടയ്ക്കുമുന്നില് റോഡില് ജനങ്ങള് കൂടിനിന്നതുകാരണം ഗതാഗതതടസ്സവും ഉണ്ടായി.