വിമാനത്തിന്റെ ടയറുകള് പൊട്ടിത്തെറിച്ചു
തിരുച്ചിറപ്പള്ളിയില് നിന്ന് ചെന്നൈയിലേക്ക് വന്ന കിങ്ഫിഷര് എയര്ലൈന്സ് വിമാനമാണ് ലാന്ഡ് ചെയ്യുന്നതിനിടെ അപകടത്തില് പെട്ടത്. 48 യാത്രക്കാര്ക്ക് സഞ്ചരിക്കാന് കഴിയുന്ന വിമാനത്തില് പക്ഷേ 13 പേര് മാത്രമേ ഉണ്ടായിരുന്നുള്ളൂ. ലാന്ഡ് ചെയ്യുന്ന സമയത്ത് ഇവിടെ കനത്ത മഴയായിരുന്നു. ഈ വിമാനം റണ്വേയില് നിന്ന് മാറ്റാന് കഴിയാതിരുന്നതിനാല് തുടര്ന്ന് വന്ന ലുഫ്ത്താന്സാ എയര്ലൈന്സ് വിമാനം ബാംഗ്ലൂരില് ഇറക്കി.
കഴിഞ്ഞ സെപ്തംബര് 2ന് ഇസ്ലാംബുളില് നിന്ന് മുംബൈയിലെത്തിയ ടര്ക്കി എയര്വേസിന്റെ വിമാനം റണ്വേയില് നിന്ന് തെന്നിമാറിയിരുന്നു. കനത്ത മഴ മൂലം റണ്വേയില് വെള്ളം കെട്ടിടക്കിടന്നതാണ് അപകട കാരണമെന്ന് വിലയിരുത്തപ്പെട്ടിരുന്നു. 97 യാത്രക്കാരുമായി വന്ന വിമാനം അപകടത്തില് നിന്ന് തലനാരിഴയ്ക്കാണ് രക്ഷപെട്ടത്.
Click it and Unblock the Notifications
Sign in with Google