Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള്‍ ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
എലിസബത്ത് താടിക്കാരന്‍ കേരളത്തിന്റെ സൗന്ദര്യം
കൊച്ചിയില്‍ നിന്നുള്ള ശ്രുതി നായര്‍ ആണ് ഫസ്റ്റ് റണ്ണറപ്പ്. പുനെയില്‍ നിന്നെത്തിയ മരിയ ജോണ്‍ സെക്കന്‍ഡ് റണ്ണറപ്പായി. ഇന്ത്യന്‍ വെയര്‍, പാര്‍ട്ടി വെയര്‍, ഗൌണ്‍ എന്നിങ്ങനെ മൂന്നു റൌണ്ടുകളിലായിട്ടായിരുന്നു മല്‍സരം.
മല്‍സരാര്‍ഥികള്‍ സ്വയം പരിചയപ്പെടുത്തുന്ന ആദ്യ റൗണ്ടില്‍നിന്ന് പത്തുപേരാണ് വിധികര്‍ത്താക്കളുടെ ചോദ്യത്തിന് ഉത്തരം നല്‍കേണ്ട രണ്ടാം റൗണ്ടിലെത്തിയത്. ഒരേ ചോദ്യത്തിന് ഒരു മിനിറ്റിനുള്ളില്‍ ഉത്തരം എഴുതേണ്ട അവസാന റൗണ്ടില്‍ മാറ്റുരച്ചത് അഞ്ചുപേര്‍.
വെണ്ണല സ്‌കൂള്‍ റോഡ് താടിക്കാരന്‍ ഹൗസില്‍ ചാര്‍ളിയുടെയും റാണിയുടെയും മകളാണ് ബാംഗ്ലൂരില്‍ രണ്ടാം വര്‍ഷ ബിഡിഎസ് വിദ്യാര്‍ഥിനിയായ എലിസബത്ത്. 2010ലെ നേവി ക്വീന്‍പട്ടം എലിസബത്തിനായിരുന്നു. നല്ലൊരു നീന്തല്‍ത്താരം കൂടിയാണ് ഈ സുന്ദരി.
റണ്ണറപ്പ് ആയ ശ്രുതി നായര്‍ കൊച്ചിന്‍ നേവല്‍ ബേസിലെ റിയര്‍ അഡ്മിറല്‍ ജി. അശോക് കുമാറിന്റെയും ഗീതയുടെയും മകളാണ്. ഇപ്പോള്‍ ചെന്നൈയില്‍ വിഷ്വല്‍ കമ്യൂണിക്കേഷന്‍ വിദ്യാര്‍ഥിനി. പൂനെയില്‍ സ്ഥിരതാമസമാക്കിയ പിറവം സ്വദേശി ലെഫ്റ്റനന്റ് കേണല്‍ കെ.എസ്. യോഹന്നാന്റെയും ചിന്നുവിന്റെയും മകളാണ് സെക്കന്‍ഡ് റണ്ണറപ്പായ മരിയ ജോണ്‍. പൂനെയില്‍ എല്‍എല്‍ബി വിദ്യാര്‍ഥിനിയാണ്.
സിനിമാ സംവിധായകരായ സിദ്ധിഖ്, റോഷന്‍ അബ്ബാസ്, നടി പൂര്‍ണിമ ഇന്ദ്രജിത്ത്. മേക്കപ്പ് ആര്‍ട്ടിസ്റ്റ് ഷാന്‍ മുട്ടത്തില്‍, ഡിസൈനര്‍ അസ്മിത മാര്‍വ, മിസ് ഇന്ത്യാ ഇന്റര്‍നാഷണല്‍ നേഹ ഹിംഗെ, മോഡല്‍ അര്‍ഷിന ത്രിവേദി എന്നിവരായിരുന്നു വിധികര്‍ത്താക്കള്‍. മല്‍സരത്തിന്റെ ഇടവേളയില്‍ നൃത്ത സംഗീത പരിപാടികളും അരങ്ങേറി.
മറ്റു പട്ടങ്ങള്‍ നേടിയവര്‍ ഇവരാണ്- മരിയ ജോണ്‍ (മിസ് ബ്യൂട്ടിഫുള്‍ ഹെയര്‍, മിസ് ഫോട്ടോജനിക്), എസ്.തൃപ്തി (മിസ് ടാലന്റഡ്), ശിഖ സന്തോഷ് കുമാര്‍ (ബ്യൂട്ടിഫുള്‍ വോയ്‌സ്, മിസ് വിവേഷ്യസ്), നിമിഷ ശിവറാം (മിസ് ബ്യൂട്ടിഫുള്‍ സ്‌കിന്‍), എലിസബത്ത് താടിക്കാരന്‍ (മിസ് ഫെര്‍ഫെക്ട് ടണ്‍), റിച്ച സുധീര്‍ (മിസ് ബ്യൂട്ടിഫുള്‍ സ്‌മൈല്‍), വിദ്യാ നായര്‍ (മിസ് സെന്‍ഷ്വാലിറ്റി), നികിത നായര്‍ (മിസ് കണ്‍ജീനിയാലിറ്റി), സഞ്ജന കുമാര്‍ (മിസ് ബ്യൂട്ടിഫുള്‍ ഐസ്)
