റിസോര്‍ട്ടില്‍ പെണ്‍കുട്ടി മരിച്ചനിലയില്‍

മൂന്നാര്‍: മൂന്നാറിലെ ഗ്രീന്‍ വ്യൂ കോട്ടേജില്‍ പെണ്‍കുട്ടിയെ മരിച്ചനിലയില്‍ കണ്ടെത്തി. തിങ്കളാഴ്ച രാവിലെ മുറി തുറന്നുനോക്കിയപ്പോള്‍ പെണ്‍കുട്ടി മരിച്ചനിലയില്‍ കാണപ്പെടുകയായിരുന്നു. ഇവരോടൊപ്പമുണ്ടായിരുന്ന രണ്ടു യുവാക്കളെ കാണാതായി. പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

മൂന്നാറിലെ പല റിസോര്‍ട്ടുകളിലും കോട്ടേജുകളിലും പെണ്‍വാണിഭം നടക്കുന്നുള്ള കാര്യം പരസ്യമായ രഹസ്യമാണ്. വിദേശ വനിതകളും കൊച്ചു പെണ്‍കുട്ടികളും ഇവിടെയെത്തുന്ന സഞ്ചാരികള്‍ക്കായി കാഴ്ചവയ്ക്കപ്പെടുന്നുണ്ടെന്ന് പല മാധ്യമങ്ങളും റിപ്പോര്‍ട്ട് ചെയ്തിരുന്നു.

എന്നിട്ടും അധികൃതര്‍ കാര്യമായ ഇടപെടാത്തതും മുന്‍കരുതലുകള്‍ സ്വീകരിയ്ക്കാത്തതുമാണ് ഇപ്പോഴത്തെ കൊലപാതകത്തിന് കാരണമെന്ന് നാട്ടുകാര്‍ പറയുന്നു.