സിപിഎമ്മിനെ ഭയമുണ്ടോ' എന്ന് ജഡ്ജി
പ്രതിഭാഗം സാക്ഷിയും കാലടി സംസ്കൃത സര്വകലാശാല അസിസ്റ്റന്റ്പ്രൊഫസറുമായ പി വി നാരായണനോട് സിപിഐ എമ്മിനെ ഭയമുണ്ടോ, ജയരാജനെ ഭയമുണ്ടോ എന്നീ ചോദ്യങ്ങള് ഉന്നയിച്ചതാണ പ്രതിഷേധത്തിനിടയാക്കിയത്.
ജസ്റ്റിസ് വി രാംകുമാറിന്റെ നടപടിയെ ജയരാജനുവേണ്ടി ഹാജരായ മുതിര്ന്ന അഭിഭാഷകന് എം കെ ദാമോദരന് ചോദ്യംചെയ്തു. ഇത്തരം ചോദ്യങ്ങള് കോടതിയില്നിന്ന് ഒട്ടും പ്രതീക്ഷിക്കാത്തതാണെന്ന് എം കെ ദാമോദരന് ചൂണ്ടിക്കാട്ടി.
ചോദ്യങ്ങള് അനുചിതമാണെന്നും അദ്ദേഹം പറഞ്ഞു. തുടര്ന്ന് ജയരാജനെ ഭയമുണ്ടോ എന്ന ചോദ്യം കോടതിരേഖകളില്നിന്ന് ഒഴിവാക്കി. മലയാളികള് 'ശുംഭനെന്ന' വാക്കിന്റെ ആശയം മനസ്സിലാക്കിയാണ് ഉപയോഗിക്കുന്നത്. സന്ദര്ഭവും ഉപയോഗിക്കുന്ന സാഹചര്യവും വിലയിരുത്തിവേണം ഈ വാക്കിന്റെ അര്ഥം വ്യാഖ്യാനിക്കാനെന്ന് സംസ്കൃതഭാഷാ പണ്ഡിതനായ ഡോ. പി വി നാരായണന് ക്രോസ് വിസ്താരത്തില് വ്യക്തമാക്കി. ജയരാജിനെ ഭയമില്ലെന്നും താനൊരു രാഷ്ട്രീയപാര്ട്ടിയില് അംഗമല്ലെന്നും നാരായണന് കോടതിയെ ബോധിപ്പിച്ചു.
ജസ്റ്റിസുമാരായ വി രംകുമാര് , പി ക്യു ബര്ക്കത്തലി എന്നിവരടങ്ങുന്ന ഡിവിഷന് ബെഞ്ചാണ് ഡോ. നാരായണനെ വിസ്തരിച്ചത്. കൂടുതല് സാക്ഷികളുടെ മൊഴി രേഖപ്പെടുത്തുന്നതിന് കേസ് മാറ്റി.
Click it and Unblock the Notifications
Sign in with Google