യെഡിയൂരപ്പ കോടതിയില് കീഴടങ്ങി, റിമാന്ഡ് ചെയ്തു
വെള്ളിയാഴ്ച രാവിലെയാണ് യെഡിയൂരപ്പ സമര്പ്പിച്ച മുന്കൂര് ജാമ്യാപേക്ഷ കോടതി തള്ളിയത്. ഇതിന് പിന്നാലെ കോടതി അറസ്റ്റുവാറണ്ടും പുറപ്പെടുവിച്ചു. തുടര്ന്ന് അറസ്റ്റ് വാറണ്ടുമായി പോലീസ് വീട്ടിലെത്തിയിരുന്നെങ്കിലും അദ്ദേഹം അവിടെയില്ലെന്ന് കണ്ട് മടങ്ങുകയായിരുന്നു. ഇതിനു ശേഷമായിരുന്നു കീഴടങ്ങല്. യെദിയൂരപ്പയെ അറസ്റ്റുചെയ്യാന് ലോകായുക്ത ഡെപ്യൂട്ടി എസ്പിയെ കോടതി ചുമതലപ്പെടുത്തിയത്. കോടതി നിര്ദ്ദേശമായതു കൊണ്ട് അത് ലംഘിയ്ക്കാന് പൊലീസിനും കഴിയുമായിരുന്നില്ല. യെഡിയൂരപ്പയ്ക്ക് പുറമെ അഴിമതിക്കേസില് ജാമ്യം കിട്ടാതിരുന്ന മുന് മന്ത്രി എസ്.എന്.കൃഷ്ണഷെട്ടിയും അറസ്റ്റിലായിട്ടുണ്ട്. അതേസമയം, കേസില് പ്രതികളായ യെദിയൂരപ്പയുടെ രണ്ടുമക്കള്ക്കും മരുമകനും കോടതി ഉപാധികളോടെ ജാമ്യം അനുവദിച്ചു.
ഭൂമി തട്ടിപ്പ് കേസിലാണ് മുന് മുഖ്യമന്ത്രിയും കര്ണാടക ബിജെപിയിലെ ഏറ്റവും ശക്തനുമായ യെഡിയൂരപ്പ അഴിയ്ക്കുള്ളിലേക്ക് പോകുന്നത്.മക്കള്ക്കും മരുമക്കള്ക്കും സര്ക്കാര് ഭൂമി കയ്യടക്കാന് അവസരമൊരുക്കിയെന്നാണ് മുന് മുഖ്യമന്ത്രിക്കെതിരെയുള്ള കേസ്.
ബാംഗ്ലൂര് ഡവലപ്മെന്റ് അതോറിറ്റിയുടെ സ്ഥലം ഏറ്റെടുത്ത വിജ്ഞാപനം യെയിയൂരപ്പ റദ്ദാക്കിയതിനെ തുടര്ന്ന് സര്ക്കാരിന് കോടിക്കണക്കിനു രൂപയുടെ നഷ്ടമുണ്ടായി എന്നാണ് ആരോപണം. അഭിഭാഷകരായ സിരാജിന് ബാഷ, എന്കെ ബലരാജ് എന്നിവരാണ് യെഡിയൂരപ്പയ്ക്കെതിരെ ലോകായുക്തയെ സമീപിച്ചത്. അഴിമതി ആരോപണത്തെത്തുടര്ന്ന് ജൂലൈയിലാണ് യെദിയൂരപ്പ കര്ണാടക മുഖ്യമന്ത്രിസ്ഥാനം രാജിവെച്ചത്.
Click it and Unblock the Notifications
Sign in with Google