ഹസാരെ മൗനവ്രതമനുഷ്ഠിയ്ക്കുന്നു
ആത്മശാന്തിയ്ക്കായി ഒരാഴ്ചത്തേക്ക് ഹസാരെ മൗനവ്രതത്തിലായിരിക്കുമെന്ന് അദ്ദേഹത്തിന്റെ സഹായിയും 'ഇന്ത്യ അഴിമതിക്കെതിരേ' സംഘടനാ പ്രവര്ത്തകനുമായ ശ്യാം ആസവ പറഞ്ഞു.
ദില്ലിയിലെ നിരാഹാരത്തിനുശേഷം ഹസാരെ തുടര്ച്ചയായി ജനസമ്പര്ക്കത്തിലായിരുന്നു. ഇത് അദ്ദേഹത്തെ ഏറെ ക്ലേശിപ്പിച്ചതിനാലാണ് ഒരാഴ്ചത്തെ മൗനവ്രതം. ഇതദ്ദേഹം ഇടയ്ക്കിടെ അനുഷ്ഠിക്കാറുള്ളതാണ്' ആസവ വ്യക്തമാക്കി.
എന്നാല് ഹസാരെ സംഘത്തില് അടുത്തിടെയുണ്ടായ ഭിന്നത അവസാനിപ്പിയ്ക്കുന്നതിന്റെ മുന്നോടിയായാണ് ഹസാരെ വാ പൂട്ടുന്നതെന്നും വാര്ത്തകളുണ്ട്. ഹസാരെ സംഘത്തിലെ പ്രമുഖനായ പ്രശാന്ത് ഭൂഷന്റെ കാശ്മീര് പരാമര്ശം കഴിഞ്ഞദിവസങ്ങളില് വിവാദമാകുകയും ഭൂഷണ് മര്ദനമേല്ക്കുകയും ചെയ്തിരുന്നു. തുടര്ന്ന് പ്രശാന്ത് ഭൂഷന്റെ പ്രസ്താവനയ്ക്കെതിരേ ഹസാരെതന്നെ രംഗത്തെത്തിയിരുന്നു. ഇതിന് പുറമെ ഉപതിരഞ്ഞെടുപ്പ് നടന്ന ഹിസാറില് ഹസാരെ സംഘത്തിലുള്ളവര് പ്രചാരണത്തിനിറങ്ങിയതും ഭിന്നതയ്ക്ക് വഴിവച്ചിരുന്നു.
Click it and Unblock the Notifications
Sign in with Google