സ്വഭാവദൂഷ്യപരാതികള്‍ ചര്‍ച്ച ചെയ്യും: എസ്ആര്‍പി

തിരുവനന്തപുരം: സി.പി.എം നേതാക്കള്‍ക്കും പ്രവര്‍ത്തകര്‍ക്കുമെതിരായ സ്വഭാവദൂഷ്യ പരാതികള്‍ പാര്‍ട്ടി സമ്മേളനങ്ങളില്‍ ചര്‍ച്ചചെയ്യുമെന്ന് പോളിറ്റ് ബ്യൂറോ അംഗം എസ്. രാമചന്ദ്രന്‍പിള്ള. പാര്‍ട്ടി കോണ്‍ഗ്രസിലും ഈ വിഷയം ചര്‍ച്ചയ്ക്ക് വരും. ഇക്കാര്യം വിലയിരുത്തി ആവശ്യമായ തീരുമാനങ്ങള്‍ എടുക്കുമെന്നും അദ്ദേഹം ദില്ലിയില്‍ പറഞ്ഞു.

അതേസമയം തിങ്കളാഴ്ച ആരംഭിക്കുന്ന പിബി യോഗത്തില്‍ ഇക്കാര്യങ്ങളൊന്നും ചര്‍ച്ചയാവില്ല. പ്രത്യയശാസ്ത്രകരടിന് പി.ബി യോഗം അംഗീകാരം നല്‍കുമെന്നും അദ്ദേഹം വ്യക്തമാക്കി.

സമീപകാലത്തായി പാര്‍ട്ടിയിലെ മുതിര്‍ന്ന നേതാക്കള്‍ക്കെതിരെ ഉയര്‍ന്ന ലൈംഗികാരോപണങ്ങള്‍ കേരളത്തില്‍ സിപിഎമ്മിനെ പ്രതിരോധത്തിലാക്കിയിരുന്നു. കണ്ണൂരില്‍ പി ശശിയെ പുറത്താക്കി മുഖംരക്ഷിച്ചെങ്കിലും എറണാകുളം ജില്ലാ കമ്മിറ്റി നേതാവായിരുന്ന ഗോപി കോട്ടമുറിയ്ക്കലിനെതിരെ ഉയര്‍ന്ന ആരോപണത്തില്‍ വ്യക്തമായ നടപടി സ്വീകരിയ്ക്കാന്‍ സിപിഎമ്മിന് കഴിഞ്ഞിട്ടില്ല.