കയ്യാങ്കളി വീഡിയോ കാണിക്കാം : കോടിയേരി

By Ajith Babu

Published: Sunday, October 16, 2011, 14:43 [IST]

കണ്ണൂര്‍: നിയമസഭയിലെ ദൃശ്യങ്ങള്‍ മാധ്യമങ്ങള്‍ക്ക് കൈമാറുന്നതില്‍ പ്രതിപക്ഷത്തിന് എതിര്‍പ്പില്ലെന്ന് പ്രതിപക്ഷ ഉപനേതാവ് കോടിയേരി ബാലകൃഷ്ണന്‍. ഇക്കാര്യത്തില്‍ മാധ്യമവിചാരണയ്ക്ക് താല്‍പര്യമില്ലെന്നും കോടിയേരി വ്യക്തമാക്കി.

ദൃശ്യങ്ങള്‍ കാണിക്കണോ വേണ്ടയോ എന്ന് സ്പീക്കര്‍ക്ക് തീരുമാനിക്കാം. സസ്‌പെന്‍ഷനെ എല്‍ഡിഎഫ് പേടിക്കുന്നില്ലെന്നും കോടിയേരി പറഞ്ഞു. കോഴിക്കോട് വെടിവയ്പില്‍ നിന്ന് ശ്രദ്ധതിരിക്കാനാണ് എംഎല്‍എമാര്‍ക്കെതിരേ ആരോപണമുന്നയിക്കുന്നതെന്നും കോടിയേരി പറഞ്ഞു.

കുറ്റക്കാരായ പോലീസുകാര്‍ക്കെതിരേ നടപടിയെടുക്കുന്നതിന് പകരം എംഎല്‍എമാരെ സസ്‌പെന്‍ഡ് ചെയ്യാനാണ് നീക്കമെന്നും പോലീസുകാര്‍ക്ക് മാത്രമല്ല മനുഷ്യാവകാശങ്ങള്‍ ഉള്ളതെന്നും കോടിയേരി പറഞ്ഞു.

Published On October 16, 2011