പ്രായം പറഞ്ഞു; 50 കോടി വേണമെന്ന് നടി
അനുവാദമില്ലാതെ പ്രായം വെളിപ്പെടുത്തിയ മൂവി വെബ്സൈറ്റിനെതിരെ ഒരു നടി നഷ്ടപരിഹാരം ആവശ്യപ്പെട്ട് കേസ് നല്കിയിരിക്കുകയാണിപ്പോള്. ക്രെഡിറ്റ് കാര്ഡില് നിന്നുള്ള വിവരങ്ങള് അടിസ്ഥാനമാക്കിയാണ് ആമസോണിന്റെ ഉടമസ്ഥതയിലുള്ള ഐഎംഡിബി മൂവി സൈറ്റിനെതിരെ പേരു വെളിപ്പെടുത്താത്ത ഹോളിവുഡ് താരം യുഎസിലെ സിയാറ്റില് കോടതിയില് കേസ് നല്കിയിരുന്നത്.
തന്റെ പ്രായം പുറത്തറിയുന്നത് അവസരങ്ങള് കുറയ്ക്കുമെന്നാണ് ഇവര് നല്കിയ ഹര്ജിയിലുള്ളത്. പ്രായമാണ് സിനിമാരംഗത്തെ പ്രധാന തുറുപ്പ് ചീട്ടെന്നും ഇവര് ചൂണ്ടിക്കാട്ടുന്നു.
ഓരോ ദിവസവും പുതുമുഖ നടിമാര് വരുന്ന ഇക്കാലത്ത് തന്റെ വയസ്സ് നാല്പതാണെന്ന് പുറത്തറിയുന്നത് കരിയറിന് ഭീഷണിയാവുമെന്നാണ് ഇവരുടെ വാദം. പതിനായിരവും ലക്ഷവുമൊന്നല്ല, ഒരു മില്യന് ഡോളറാണ് (ഏതാണ്ട് 50 കോടി രൂപ) ഇവര് നഷ്ടപരിഹാരം ആവശ്യപ്പെട്ടിരിയ്ക്കുന്നത്. പെണ്ണിന്റെ പ്രായത്തിന്റെ വില എന്തെന്ന് ചുരുങ്ങിയപക്ഷം ആമസോണിനെങ്കിലും ഇപ്പോള് മനസ്സിലായിട്ടുണ്ടാവും.
Click it and Unblock the Notifications
Sign in with Google