ഒബാമയ്ക്കും തസ്‌കര ശല്യം

വാഷിംങ്ടണ്‍: കള്ളന്‍മാര്‍ക്ക് വലിപ്പചെറുപ്പമില്ല. തരംകിട്ടിയാല്‍ എവിടെ നിന്നും അവര്‍ മോഷ്ടിക്കും. അടുത്തിടെ യുഎസ് പ്രസിഡന്റ് ബരാക് ഒബാമയുടെ ടെലിപ്രോംപ്റ്റര്‍ സൂക്ഷിച്ചിരുന്ന ട്രക്കാണ് കള്ളന്‍മാര്‍ അടിച്ചുമാറ്റിയത്. ഏതാണ്ട് 98 ലക്ഷം രൂപ വിലവരുന്ന ഓഡിയോ സംവിധാനങ്ങളും ട്രക്കില്‍ ഉണ്ടായിരുന്നു.

അമേരിക്കന്‍ പ്രസിഡന്റിനെതിരെയുള്ള കള്ളന്‍മാരുടെ ഈ ആക്രമണം പ്രതിരോധവിഭാഗത്തിനെ അക്ഷരാര്‍ഥത്തില്‍ ഞെട്ടിച്ചു. സംഭവത്തെ കുറിച്ച് വിശദമായി അന്വേഷിക്കാന്‍ പ്രതിരോധ വിഭാഗം തീരുമാനിച്ചിട്ടുണ്ട്.

വെര്‍ജീനിയ ഹോട്ടലിലെ പാര്‍ക്കിങ് സ്ഥലത്തു നിന്നാണ് ട്രക്ക് കാണാതായത്. പിന്നീട് റിച്ച്‌മോണ്ട് വിമാനത്താവളത്തിന് സമീപമുള്ള ഹോളിഡേ ഇന്‍ എക്‌സ്പ്രസില്‍ ട്രക്ക് കണ്ടെത്തി. എന്നാല്‍ ട്രക്കില്‍ മറ്റ് വിലപ്പെട്ട രേഖകളൊന്നുമില്ലായിരുന്നുവെന്ന് അധികൃതര്‍ അറിയിച്ചു.

English summary

WWBT in Richmond said a truck holding a portable sound system, presidential seals and other equipment was stolen from the parking lot of a hotel in Chesterfield, Va., about 100 miles south of Washington. The vehicle was recovered in the parking lot of another hotel on Monday afternoon, WWBT reported on its website, citing sources. It put the value of the equipment at about $200,000.