യുവതിയുടെ ഗര്‍ഭപാത്രത്തില്‍ പഞ്ഞിയും തുണിയും

അമ്പലപ്പുഴ: മെഡിക്കല്‍ കോളെജ് ആശുപത്രിയില്‍ നിന്നും പ്രസവം കഴിഞ്ഞ് തിരിച്ചെത്തിയ യുവതിയുടെ ഗര്‍ഭപാത്രത്തില്‍ നിന്നും പഞ്ഞിയും തുണിയും പുറത്തുവന്നു. ആലപ്പുഴ മെഡിക്കല്‍ കോളെജ് ആശുപത്രിയിലായിരുന്നു പുറക്കാട് സ്വദേശിനി ഷാനി(25)ന്റെ പ്രസവചികിത്സ.

ഒക്ടോബര്‍ 19ന് ബുധനാഴ്യാണ് ഷാനി ആണ്‍കുഞ്ഞിന് ജന്മം നല്‍കിയത്. സാധാരണപ്രസവമാണെന്നാണ് ഡോക്ടര്‍മാര്‍ ബന്ധുക്കളോട് പറഞ്ഞത്. പക്ഷേ ഷാനിയുടെ ശരീരത്തില്‍ ഒട്ടേറെ തുന്നിക്കെട്ടലുകളുണ്ടായിരുന്നുവെന്ന്് ബന്ധുക്കള്‍ പറയുന്നു.

ആശുപത്രി വിട്ട് ശനിയാഴ്ച വൈകിട്ടാണ് ഷാനി വീട്ടിലെത്തിയത്. അന്നു രാത്രി ഒമ്പതോടെ യുവതിക്ക് അമിത രക്തസ്രാവവും അടിവയറ്റില്‍ വേദനയും അനുഭവപ്പെട്ടു. ബന്ധുക്കളായ സ്ത്രീകള്‍ നടത്തിയ പരിശോധനയിലാണ് രക്തത്തോടൊപ്പം പുറത്തേക്കുവന്ന കുടല്‍പോലുള്ള വസ്തു ശ്രദ്ധയില്‍പ്പെട്ടത്.

പ്രസവംകഴിഞ്ഞ് രണ്ടു മണിക്കൂറിനുശേഷമാണ് ആശുപത്രി അധികൃതര്‍ ബന്ധുക്കളെ വിവരമറിയിച്ചതെന്നും പ്രസവശേഷം രക്തസ്രാവമുണ്ടായപ്പോള്‍ യുവതിക്കു നല്‍കാന്‍ ആശുപത്രിയുടെ ബ്ലഡ് ബാങ്കില്‍നിന്ന് ലഭിച്ച രക്തം കട്ടപിടിച്ചതായിരുന്നെന്നും ബന്ധുക്കള്‍ ആരോപിച്ചു. യുവതിയുടെ പിതാവ് ആശുപത്രി അധികൃതര്‍ക്കു പരാതി നല്‍കിയിട്ടുണ്ട്.

സംഭവത്തില്‍ ഇതുവരെ ആശുപത്രി അധികൃതര്‍ പ്രതികരിച്ചിട്ടില്ല.

English summary

Doctors of Alappuzha Medical College left cotton and cloth in woman's uterus. Woman's relatives filed a petition over this issue,