സന്തോഷ് പണ്ഡിറ്റിനെ സമ്മതിക്കണം: മാമുക്കോയ

മനോരോഗമുള്ള സന്തോഷ് പണ്ഡിറ്റിനെപ്പോലുള്ളവരുടെ സിനിമയ്ക്ക് കേരളത്തില്‍ പ്രേക്ഷകരുണ്ടാകുന്നത് കഷ്ടമാണെന്ന് പ്രമുഖ നടന്‍ മാമുക്കോയ. ഇത്തരം കോപ്രായങ്ങള്‍ കാണാനും ആളെക്കിട്ടുമെന്നതാണ് ഇത്തരം സിനിമകള്‍ക്ക് പ്രചാരം ലഭിക്കാന്‍ കാരണമെന്നും മാമുക്കോയ പറഞ്ഞു.

ദുബയില്‍ മാധ്യമപ്രവര്‍ത്തകരോട് സംസാരിക്കുമ്പോഴാണ് സന്തോഷ് പണ്ഡിറ്റിന്റെ ചിത്രം കാണുന്നവരെ മാമുക്കോയ വിമര്‍ശിച്ചത്.

അതേസമയം തന്നെ സ്വന്തമായി സിനിമയൊരുക്കി അത് തിയറ്ററിലെത്തിച്ച സന്തോഷ് പണ്ഡിറ്റിന്റെ സാഹസികത അംഗീകരിക്കണമെന്നും അദ്ദേഹം പറഞ്ഞു. വീട് വരെ വിറ്റാണ് അയാള്‍ സിനിമയെടുക്കുന്നത്്. ഇത്തരം ആളുകള്‍ക്ക് അംഗീകാരം ലഭിക്കുന്നതിന്റെ പൊരുള്‍ മനസ്സിലാവുന്നില്ല- മാമുക്കോയ പറഞ്ഞു.

30 വര്‍ഷം നാടകരംഗത്ത് ചെലവഴിച്ചശേഷമാണ് ഞാന്‍ സിനിമാ ലോകത്തെത്തിയത്. ഒരിക്കല്‍പ്പോലും അവാര്‍ഡിന് വേണ്ടി അഭിനയിച്ചിട്ടില്ല. എങ്കിലും ചില അംഗീകാരങ്ങള്‍ തേടിയെത്തിയതില്‍ സന്തോഷമുണ്ട്. പലര്‍ക്കും അര്‍ഹിച്ച പരിഗണന സര്‍ക്കാറിന്റെ ഭാഗത്തുനിന്ന് ലഭിക്കാറില്ല.

നൂറുകണക്കിന് ചിത്രങ്ങളില്‍ അഭിനയിക്കുകയും ഒട്ടേറെ സിനിമകളുടെ സംവിധാനം നിര്‍വഹിക്കുകയും നിര്‍മിക്കുകയും ചെയ്ത മധുവിന് ഇതുവരെ പത്മശ്രീ ലഭിച്ചിട്ടില്ല-മാമുക്കോയ ചൂണ്ടിക്കാട്ടി.

കോഴിക്കോട് ഗുരുവായൂരപ്പന്‍ കോളജ് ആലംനി അസോസിയേഷന്റെ തളിരിട്ട കിനാക്കള്‍ എന്ന സംഗീത പരിപാടിയില്‍ പങ്കെടുക്കാനാണ് താരം ദുബയിലെത്തിയത്.

English summary

Malayalam comedian actor Mamukoya said that the new star of Malayalam Santosh Pandit having some mental illness,