അരുണ് കുമാറിനെ സസ്പെന്റ് ചെയ്യും
ധനകാര്യ പരിശോധനാ വിഭാഗത്തിന്റെയും അക്കൗണ്ടന്റ് ജനറലിന്റെയും റിപ്പോര്ട്ടിന്റെ അടിസ്ഥാനത്തിലാണ് ഇരുവരെയും സസ്പെന്റ് ചെയ്യാന് തീരുമാനിച്ചിരിക്കുന്നത്. ഐഎച്ച്ആര്ഡിയുടെ ഗവേണിങ് ബോഡിയെ നോക്കുകുത്തിയാക്കി എല്ലാ തീരുമാനങ്ങളും ചെയര്മാനായ മുന് വിദ്യാഭ്യാസ മന്ത്രി എം.എ. ബേബിയുടെ അംഗീകാരത്തോടെ നടപ്പാക്കിയെന്നാണ് ഇവര്ക്കെതിരായ ആരോപണം.
റിിപ്പോര്ട്ടുകളുടെയും അടിസ്ഥാനത്തില് വിദ്യാഭ്യാസ സെക്രട്ടറിയാണ് സുബ്രഹ്മണ്യത്തെയും അരുണ്കുമാറിനെയും സസ്പെന്ഡ് ചെയ്യാനുള്ള ശുപാര്ശ നല്കിയത്. ഇത് വിദ്യാഭ്യാസ മന്ത്രി അംഗീകരിച്ച് മുഖ്യമന്ത്രിക്ക് നല്കി. ഇതു സംബന്ധിച്ച ഉത്തരവ് ഉടനെ പുറത്തിറങ്ങും.
മുന് മന്ത്രി എംഎ ബേബിക്കെതിരെ നടപടി വേണമോയെന്ന കാര്യത്തില് സര്ക്കാര് തീരുമാനമെടുത്തിട്ടില്ലെന്നാണ് അറിയുന്നത്. .
അരുണ്കുമാറിനെ മോഡല് ഫിനിഷിങ് സ്കൂളിന്റെ ഡയറക്ടറായി നിയമിച്ചത് ഐഎച്ച്ആര്ഡി ഭരണസമിതി അംഗീകരിച്ചിരുന്നില്ല. നാല് വര്ഷമായി ഭരണസമിതി യോഗം പോലും ചേര്ന്നിട്ടില്ലെന്ന് റിപ്പോര്ട്ടില് ചൂണ്ടിക്കാട്ടുന്നു. മാത്രമല്ല ഡയറക്ടറുടെ യോഗ്യത ഇതുവരെ നിശ്ചയിച്ചിട്ടുമില്ല.
എന്ജിനീയറിങ് കോളേജുകളില് നിന്നടക്കമുള്ള കുട്ടികളെ പരീശീലിപ്പിക്കുന്ന ഫിനിഷിങ് സ്കൂളിന്റെ ഡയറക്ടറാകാന് അരുണ്കുമാറിന് യോഗ്യതയില്ലെന്നും റിപ്പോര്ട്ടില് പറയുന്നു.
പ്രിന്സിപ്പല് ആകാന്വേണ്ട ഏഴ് വര്ഷത്തെ അധ്യാപന പരിചയം വേണം, ഇതും അരുണനില്ല. എന്നിട്ടും സ്ഥാനക്കയറ്റം നല്കി. തുടര്ന്ന് ജോയിന്റ് ഡയറക്ടര്, അഡീഷണല് ഡയറക്ടര് എന്നീ സ്ഥാനങ്ങളിലേക്കും സ്ഥാനക്കയറ്റം നല്കി. അഡീഷണല് ഡയറക്ടര് തസ്തിക സൃഷ്ടിച്ചതിന് സര്ക്കാരിന്റെ അനുവാദവും വാങ്ങിയിട്ടില്ല.
ഫിനിഷിങ് സ്കൂളിന്റെ ഫണ്ട് വിനിയോഗിച്ചതും ക്രമപ്രകാരമായിരുന്നില്ല. കെല്ട്രോണുമായി നിയമാനുസൃത കരാറിലേര്പ്പെടാതെയാണ് പണി ഏല്പിച്ചത്. ഈ കാരണങ്ങളാല് അരുണ്കുമാറിനെതിരെയും സുബ്രഹ്മണ്യത്തിനെതിരെയും നടപടി വേണമെന്നായിരുന്നു റിപ്പോര്ട്ടിലെ ശുപാര്ശ.
Click it and Unblock the Notifications
Sign in with Google