ലൈംഗികത്തൊഴിലാളി കഴുതയായെന്ന് 28കാരന്‍

ഹരാരെ: ലൈംഗികത്തൊഴിലാളി കഴുതയായി മാറിയെന്ന വാദവുമായി ഇരുപത്തിയെട്ടുകാരന്‍ രംഗത്ത്.

ഒരു രാത്രി താന്‍ സന്ദര്‍ശിച്ച ലൈംഗികത്തൊഴിലാളിയായ സ്ത്രീ പിറ്റേന്നത്തേയ്ക്ക് കഴുതായായി മാറിയെന്നാണ് സിംബാബ് വെ സ്വദേശിയായ യുവാവ് പറയുന്നത്. തീര്‍ന്നില്ല വിശേഷം ഈ കഴുതയുമായി താന്‍ അഗാധമായ പ്രണയത്തിലാണെന്നും ഇദ്ദേഹം പറയുന്നു.

28കാരനായ ഈ യുവാവിനേയും കഴുതയേയും കാണാന്‍ പാടില്ലാത്ത സാഹചര്യത്തില്‍ കണ്ടതിനെത്തുടര്‍ന്ന് പൊലീസ് അറസ്റ്റുചെയ്തപ്പോഴാണ് ഇയാള്‍ സ്ത്രീ കഴുതയായ കഥ പറഞ്ഞത്.

താന്‍ ലൈംഗികവേഴ്ചയിലേര്‍പ്പെട്ട സ്ത്രീ തന്നെയാണ് ആ കഴുതയെന്ന് ഇയാള്‍ കോടതിയിലും ആണയി്ടടു പറഞ്ഞു. 980 രൂപ നല്‍കിയാണ് താനാസ്ത്രീയെ സമീപിച്ചെന്നും അവര്‍ കഴുതയായി മാറുകയായിരുന്നു എന്നും ഇയാള്‍ ജഡ്ജിയോട് വിശദീകരിച്ചു.

ഇയാളെ കോടതി റിമാന്റ് ചെയ്തു. ഇയാള്‍ പറുന്നതെല്ലാം വെള്ളം തൊടാതെ വിഴുങ്ങാന്‍ കഴിയില്ലെന്ന് വ്യക്തമാക്കിയ കോടതി ഇയാളുടെ മാനസികനില പരിശോധിക്കാനും കോടതി ഉത്തരവിട്ടിട്ടുണ്ട്.

English summary

A Zimbabwean man has told a court that he hired a prostitute who during the night transformed into a donkey, and that he is now “seriously in love” with the animal, state media said on Wednesday,